Сарсын үгүс оройуоннарга ардахтыа

Сарсын, атырдьах ыйын 16 күнүгэр соҕуруулуу-илин, Арктика уонна Халыма улуустарынан кыралаан ардыыр, оттон түүн Уус Маайа улууһугар күүстээх ардах түһүөҕэ.

Хотугулуу-илин сөкүүндэҕэ 9-14 м/с диэри түргэннээх күүстээх тыалырыа, оттон Арктика улуустарынан сорох сиринэн сөкүүндэҕэ 15-20 м/с түргэннээх буурҕа түһэрэ күүтүллэр.

Салгын температурата түүн +5+10°С, былыта суох буоллаҕына 0,+5°С, хотугулуу-илин, хотугулуу-арҕаа 0,-5°С кыраадыс тымныы, тоҥоруу түһэр. Күнүс салгын температурата +16+21°С, соҕуруулуу-илин +11+16°С, хоту  +8+13°С, соҕуруулуу-илин +19+24°С, оттон атырдьах ыйын 17 күнүгэр  +21+26°С диэри сылыйыа.