Сарсыҥҥыттан куорат үөрэнээччилэрэ тэйиччиттэн үөрэххэ көһөллөр

Дьокуускай куорат үөрэҕин управлениета Роспотребнадзору кытта ыыппыт мунньаҕын түмүгүнэн, хамыыһыйа 1–8-с уонна 10-с кылаас үөрэнээччилэрин тэйиччиттэн үөрэххэ (дистанционно) ыытта.

Онтон эксээмэннээх 9-с уонна 11-с  кылаас үөрэнээччилэрэ кылаас 20 %-тан тахсата ыалдьар түгэнигэр эмиэ тэйиччиттэн үөрэниэҕэ.

Манна даҕатан эттэххэ, бүгүҥҥү туругунан, 52 698 оҕоттон дьаҥнаан 5 288 оҕо тэйиччиттэн технологияны туһанан үөрэнэ олорор диэн управление  саайтарыгар суруллар. Куорат үөрэҕин управлениета туһааннаах бирикээс сотору Телеграмҥа тахсыа диэн кэммэнтээрий биэрбэтэ.