Хаартыска: социальнай ситимнэртэн
Геомагнитнай күүрүүлэр нэдиэлэтэ атырдьах ыйын 8 күнүттэн Сиргэ Күҥҥэ эстии маассатын олгуна кэлэрин кытта саҕаланыаҕа.
Бу туһунан Күн астрономиятын лабораторията иһитиннэрэр. Билигин Күн Сиргэ хайыспыт өрүтүгэр көстөр улахан корональнай хайаҕас бу бээтинсэҕэ, атырдьах ыйын 8 күнүгэр, Сиргэ күүскэ дьайан саҕалыаҕа. Барыллаан сабаҕалааһынынан, буурҕа G3 категорияҕа тиийиэн сөп, бу биэс бааллаах шкаланан күүстээх таһым диэн сыаналанар.
Геомагнитнай күүрүүлэр үгэнниирэ субуотаҕа, атырдьах ыйын 9 күнүгэр, эмиэ күүтүллэр. Баскыһыанньаҕа, атырдьах ыйын 10 күнүгэр, Сир магнитосферата күүрбүт туруктаах буолуоҕа уонна, бу иннинэ оҥоһуллубут сабаҕалааһынынан, магнитнай буурҕа таһымыгар диэри тиийиэ суоҕа.
Магнитнай хамсааһыннар киһи организмыгар күүскэ дьайаллар. Кутталы намтатар туһуттан, бу судургу туһалаах сүбэлэри тутуһаллара наада:
1. Утуйар эрэсиими тутуһуҥ. 2. Стресс таһымын намтатыҥ. 3. Сөптөөх аһылыгы тутуһҥ. 4. Элбэхтик уута иһиҥ. 5. Салгыҥҥа элбэхтик сылдьыҥ. 6. Хаан баттааһынын хонтуруоллааҥ — бу булгуччулаах миэрэ.
Эрэдээксийэҕэ сурук киирдэ. “Оҕо 17 сааһын туолла да, босуобуйа ылбат. Өскөтүн ыал дохуота кыра буоллаҕына,…
Хаан баттааһына эмискэ тахсар түгэнигэр киһи минньигэһи, туустааҕы, аһыыны аһыыра, арыгы иһэрэ, табах тардара хааччахтардаах.…
Үүттүгэннээх сайыҥҥы күннэри баттаһа тыа сирин дьонугар үлэ-хамнас үгэнэ. Үүтү туттарыы, от үлэтэ. Ол быыһыгар…
Мэҥэ Хаҥалас улууһугар суоппар суол саахалын оҥорон баран куоппут, ол түмүгэр киһи өлбүт. Бу туһунан…
Бэҕэһээ, атырдьах ыйын 9 күнүгэр, 9:30 чааска Хаҥалас улууһун Улахан Ааныгар 50 саастаах дьахтар сүппүтүн…