Сарсыҥҥыттан Саха сиригэр циклон тоҥорууну, инчэҕэй хаары аҕалыаҕа

Оптуорунньуктан, балаҕан ыйын 5 күнүттэн, Саха сирин киин уонна арҕааҥҥы улуустарыгар циклон ардаҕы, инчэҕэй хаары уонна тоҥорууну аҕалыаҕа. Ол туһунан Гидрометкиин начаалынньыга Татьяна Маршалик иһитиннэрдэ.

«Өрөспүүбүлүкэ арҕаа өттүгэр циклон кэлиэҕэ, онон оптуорунньукка Мииринэй оройуонугар уонна Бүлүү бөлөххө быстах ардыаҕа, түүнүн инчэҕэй хаар түһүө, -2…+3 кыраадыс буолуоҕа. Балаҕан ыйын 6 күнүгэр түүн 0…-5, күнүс +7…+12 буолуоҕа», — диэн Татьяна Маршалик иһитиннэрэр.

Чугаһынан күннэргэ киин уонна соҕуруу улуустарга үчүгэй күн-дьыл туруоҕа. Түүнүн  0…+5 градусов, күнүһүн +13…+18 буолара күүтүллэр.

Сэрэдэҕэ циклон киин улуустарынан тарҕаныаҕа. Онон быстах ардах түһэрэ күүтүллэр.