Сарсыҥҥыттан, балаҕан ыйын 15 күнүттэн, Дьокуускайга «Ас-үөл» атыы дьаарбаҥка-быыстапка тэрээһиннэрэ саҕаланыахтара.
Агропромышленнай комплекс уон күннээх дэкээдэтэ балаҕан ыйын 24 күнүгэр диэри ыытыллыаҕа. Манна өрөспүүбүлүкэ бары улуустарыттан уонна агро-оскуолалартан кэлэн кыттыыны ылыахтара. Дьаарбаҥка Комсомольскай болуоссакка сарсыарда 10.00 чаастан киэһэ 19.00 чааска диэри буолуоҕа. Тэрээһин чэрчитинэн ас-үөл хаачыстыбатын бэрэбиэркэлииргэ маастар-кылаас, сонун бородууктаны билиһиннэрии, кэнсиэр, санаа атастаһар төгүрүк остуоллар ыытыллыахтара.
Дьокуускайдааҕы килиэп кэмбинээтэ, Үүт собуота, «Туймаада» кэмбинээт бэйэлэрин бородууксуйуларын билиһиннэриэхтэрэ, олохтоох сир аһын быыстапката, «Агро-оскуола» быыстапка, «Үлэ дьоно» диэн Үлэ сылыгар анаммыт хаартыска быыстапката буолуоҕа. Аһы амсайыы кэмигэр «Норуот талыыта» куоластааһын ыытыллыаҕа.
«Ас-үөл» быыстапка-тэрээһин чэрчитинэн балаҕан ыйын 23 күнүгэр Арктическай судаарыстыбаннай агротехнологическай университет ипподромугар Тыа хаһаайыстыбатын министиэристибэтин бирииһигэр ат сүүрдүүтэ ыытыллара былааннанар.
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…