Хаартыска: СИА
Үлэ, социальнай сайдыы министиэристибэтэ уонна СИА «Дети Саха-Азия» пуонда, фотограф Дмитрий Ляшеев өйөбүллэринэн тулаайах оҕолорго көмөлөһөр бырайыагы толкуйдаатылар. Бүгүн үс бииргэ төрөөбүт оҕолор: Саша, Дима уонна Тоня тустарынан кэпсиибит. Кинилэр ийэ-аҕа тапталын билэн, дьиэ кэргэн сылаас эйгэтин көрдүүллэр.
Убайдара Саша 11 саастаах. Холку, бэрээдэктээх, эйэҕэс мичээрдээх уолчаан. Улахан дьону ытыктыыр, кыраларга көмөлөһөргө бэлэм. Кини эт-хаан өттүнэн сайдыылаах, хамсаныылаах оонньуулары, спордунан дьарыктанарын, футболу сөбүлүүр. «Умелочка» куруһуокка сылдьар, илиитинэн ону-маны оҥорорун сөбүлүүр, сатыыр. Күрэхтэһиилэргэ кыттар.
Тоня 10 саастаах. Бэһиэлэй, дьону кытта түргэнник биир тылы булар, аһаҕас кыысчаан. Доҕордоһорун сатыыр, дьоҥҥо көмөлөһөр, бэрээдэги, киэргэнэрин сөбүлүүр. Айар куттаах буолан, үчүгэйдик уруһуйдуур, илиитинэн ону-маны оҥорор.
Дима 9 саастаах. Бэһиэлэй, аһаҕас, элэккэй майгылаах уолчаан. Улахан дьон киниэхэ болҕомтотун, үтүө сыһыанын олус сыаналыыр. Иллэҥ кэмигэр пластилининынан оҥоһуктары оҥорор, футбол оонньуур. Көмпүүтэр куруһуогар дьарыктанар, үөрэххэ интэриэстээх.
Оҕолор тустарынан сиһилии информацияны Тулаайах уонна көрүүтэ-истиитэ суох хаалбыт оҕолор дааннайдарын бааннарын эрэгийиэннээҕи операторыттан билсиэххэ сөп: (4112) 34-00-53.
Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…
Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…