Сатаан утуйбат буоллахха

Кыайан утуйбат киһи, утуйуон иннинэ, 1 ньуоска мүөттээх 1  ыстакаан сылаас үүтү иһэрэ уонна салгыҥҥа чаас аҥаара хаамара ордук.

Утуйуох иннинэ маннык эрчиллиилэри оҥордоххо киһи быччыҥа уонна тыынара холкутуйар, онон түргэнник утуйар.

1. Туран эрэ илиилэргин инниҥ диэки уун, онтон үөһэ көтөх, салгыны эҕирий.  Илиилэргин быластыы тутан аллара түһэр, салгыны тыынан таһаар. 3-4  төгүл наҕыллык, хамсанан толор.
2. Туран эрэ уҥа илиигин быластыы тут, ону батыһа эргий, ити кэмҥэ салгыны эҕирий. Урукку балаһыанньаҕар төнүн,  илиигин аллара түһэр, төттөрү тыын.  Ити курдук хаҥас илиини батыһан хаҥас диэки эргий, 3-4  төгүл бытааннык толоруллар.
3. Атаҕы сарын кэтитин саҕа  киэҥник үктэниллэр,  илиини синньигэс биилгэ тутуллар, салгыны эҕирийиллэр, инники диэки тоҥхойор кэмҥэ илиини быластыы тутуллар, тыыммыт салгыны таһаарыллар. 3-4 төгүл наҕыллык оҥоруллар.

Саха ыалын халандаарыттан,

«Бичик» («Айар») киигэ кыһата, 2015  c.