Сатабыллаах хаһаайка сүбэлэрэ

Уу ырааһын бэрэбиэркэлиир ньыма

Уулаах бытыылкаҕа чаайынай ньуоска саахары кутан, хаппахтаан баран 21   кыраадыс сылааска диэри ууруҥ. Кирдээх уу биир-икки күнүнэн болоорхой дьүһүннэниэ.

Кофены бэрэбиэркэлээһин

Орто соҕус үрүүмкэҕэ 3/4  уу кутабыт уонна биир кымаах кофе бороһуогун быраҕабыт. Дьиҥнээх кофе өр сылдьар, бытааннык тимирэр. Булкааһыннаах кофе тутатына тимириэ уонна суураллан ууну саһархай өҥнүө.

Бурдук ырааһын бэрэбиэркэлээһин

Киэһэ боруоҥка нөҥүө бурдугу түһэрэн кыракый чөмөх оҥоробут. Сарсыарда бу чөмөхпүт уларыйбатах буоллаҕына –  ыраас бурдук. Оттон сиҥнэн түспүт,  хаптайбыт эбэтэр дьөлөҕөстөммүт буоллаҕына, аһылыкка туттуллубат,  кирдээх бурдук.

Итиигэ сиэттэххэ

Аһылык астыы туран илиигин итиигэ сиэттэххэ, тута тиис суунар мятнай пастанан сотуннахха, ыарыыта намтыыр, хаарыллыбыт сир хабыллан тахсыбат.

Сыты ыытар ньыма

Кырааскаҕа, ацетоҥҥа, кыраһыыҥҥа, бензиҥҥэ биһилиннэххэ, сытын ыытар уустук буолар. Хартыыһа бороһуогун итии суурадаһынынан сууннахха, сыта тута сүтэр