Хаартыска: Анатолий Федоров түһэриитэ
Покровскай куорат ыаллара Елена, Анатолий Федоровтар учаастак сирэ ылан, дьиэ туттубуттара, тэпилииссэ туруоран, оҕуруот аһын олордуутунан дьарыктаммыттара хас да сыл буолла.
Аттыларыгар араас көтөр, кус сөбүлээн үөскүүр күөллээхтэр. Олор хойуулара бэйэтэ айылҕа биэрэр уоҕурдуута диэн оҕуруокка бу күөл уутун куталлар. Дьиэлээх хаһаайын Анатолий носуос холбоон, шланганан ууну оботторон таһааран, хас да ханаалынан ууну ыытар систиэмэни бэйэтэ толкуйдаан оҥорбут. Биир кырааны саптаҕына, иккис кыраанынан уу кэлэр. Аны оҕуруокка ууну ыһар-кутар тэрили эмиэ бэйэтэ оҥорбут. Маны таһынан Федоровтар даачаларыгар сайыҥҥы уу ситиминэн уу эмиэ кэлэр.
-Бу кэлэр ууну кэргэним эмиэ бэйэтэ турбалары тардан, душка, дьиэҕэ киллэрбитэ. Онон биэдэрэнэн уу таспаппыт, буочукаҕа уу хаһааммаппыт, — диэн астына кэпсиир дьиэлээх хаһаайка.
Сатабыллаах ыалга оҕуруоттарын аһа дэлэччи үүнэр. Быйылгы сайын кураанын, сөрүүнүн аахсыбакка, оҕурсу бэркэ ас биэрэ турар. Хаппыыста, хортуоска да ырааппыттар. Күөх сайын бэрсэр быйаҥын аны кыһын оҕолор, сиэннэр астына сиэхтэрэ турдаҕа.
Видео Федоровтар тиксэриилэрэ
Былыр аныгы курдук аптека да, балыыһа даҕаны диэн суох. Онон хас эмэ үйэ тухары көлүөнэттэн…
Байыаннай дьайыы кыттыылаахтарыгар уонна кинилэр дьиэ кэргэттэригэр психологтар көмөлөрө, өйөбүллэрэ салҕанар. Ааспыт нэдиэлэҕэ, ону сэргэ…
Сорохтор уонунан, сүүһүнэн миэтэрэ үөһэ ытталлар, атыттар саастыылаахтарын кырбыылларын видеоҕа усталлар. Бу барыта биир эрэ…
Ким этэҥҥэ сылдьыан, уһун үйэлэниэн баҕарбат буолуой? Бары да уһуннук, дьоллоохтук олорору сэргиир, сэҥээрэр буоллахпыт.…
Дьааҥы улууhугар Табалаахха оҕо уhуйааныгар "Аҕыйах ахсааннаах хотугу норуоттар үгэстэригэр уhуйуу - төрөөбүт дойдуга бэриниилээх…
Быйылгыттан Саха сиригэр Ил Дархан Айсен Николаев өйөбүлүнэн “Мин бастакы идэм” диэн үрдүкү кылаас үөрэнээччилэрин…