Амма улууһун Е.А. Шишигин аатынан Сатаҕай орто оскуолатыгар кыһыннары-сайыннары күөх үүнээйини үүннэрэр гидропоннай лаборатория аһылынна.
Тыа оскуолаларыгар туруору тэпилииссэлэргэ күөх үүнээйини үүннэрии идиэйэтин Ил Дархан иһинэн үлэлиир Туруктаах сайдыы сэбиэтин чилиэнэ Людмила Николаева көҕүлээбитэ.
Олохтоох дьаһалта оскуолаҕа гидропоннай тэрили ыларыгар көмөлөспүтэ. Муус устартан оҕолор салайааччыларын — биология, химия учуутала Лия Андрееваны кытта салаат, укроп сиэмэлэрин ыспыттара, билигин номнуо үүнүүлэрин хомуйуохтара.
— Быйылгы үөрэх дьылыгар Людмила Валерьевна уонна «Органика» органическай бородууксуйаны оҥорон таһаарааччылары өйүүр пуонда көмөлөрүнэн, оскуолабытыгар «Органика» диэн эбии үөрэхтээһин кууруһа баар буолла. Пуонда бары матырыйааллары, бырагыраамалары биэрбитэ, оҕолор онон үөрэммиттэрэ. Оҕолор элбэх саҥаны биллилэр, бу билии кинилэр кэнэҕэски олохторугар олус туһалаах буолуоҕа, — диэн Сатаҕай оскуолатын дириэктэрэ Иванна Шишигина этэр.
Оҕолор бу үөрэппит матырыйаалларынан Бүтүн Арассыыйатааҕы куонкуруска кыттан, үс оҕо призер, биир оҕо кыайыылаах буолбуттара.
9-с кылаас үөрэнээччитэ Александр Шишигин бу куонкуруска эссе суруйуутугар кыайбыта. Кини бу куруһуокка сылдьан, элбэҕи билбитин, өссө да научнай-чинчийэр үлэнэн дьарыктаныаҕын туһунан этэр.
Бу маннык агролаборатория бу иннинэ Сыымах орто оскуолатыгар аһыллыбыта. Онно оҕолор номнуо оҕурсуну, салааты, күөх үүнээйини хомуйаллар. Сыымах агролабораториятын бырайыага Тимченко пуондатын «Среда возможностей» куонкуруһугар кыайбыта.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…