Хаартыска: pxhere.com/ru/photo
Бүлүү улууһун суутунан Кыргыдай орто оскуолатыгар оҕолорго сөптөөх услуобуйаны уонна куттала суох буолууну тэрийэргэ сорудахтанна.
Суут быһаарыытынан, Сатаҕай оскуолатын дьиэтэ 1932 сыллааҕы тутуу буолан, саахалланар туруга 75-80% тиийбит. 2019 уонна 2025 сылларга ыытыллыбыт тэхиниичэскэй эспэртииһэ түмүгэн оҕолор да, үлэһиттэр да олохторугар кутталы үөскэтэрэ быһаарыллыбыт. Ол эрээри, 2019 сылтан саҕалаан Бүлүү улууһун дьаһалтата ити кыһалҕаны быһаарыыга сөптөөх дьаһалы ылымматах уонна саҥа оскуола эбийиэгин тутуута ыытыллыаҕа диэн кэтэспит. Итини кытта терроризмы утары охсуһар быраабыланан оскуола территорията 2,5 миэтэрэ үрдүктээх олбуорунан, мэдиссинэ хоһунан, хааччыллыбатаҕа быһаарыллыбыт. Матырыйааллары үөрэтэн баран, Бүлүү улууһун суутун быһаарыытынан Кыргыдай оскуолатын уонна Бүлүү улууһун дьаһалтатын үлэһиттэрэ сөптөөх дьаһаллары ылыныыга үлэлэрэ сокуоннайа суоҕунан ааҕылынна. 2027 сылга диэри булуллубут кэһиилэри туоратыыга үлэни ыытарга, 2026 сылга диэри оскуола олбуорун тутууга, мэдиссиинэ хоһунан хааччыйыыга үп-харчы көрүнэллэригэр уураахтаата. Суут быһаарыыта сокуоннай күүһүгэр киирэ илик, диэн Саха Өрөспүүбүлүкэтин сууттарын холбоһуктаах пресс-сулууспата иһитиннэрдэ.
Булуҥ улууһун суутугар Эдьигээн сэлиэнньэтин аҕам саастаах дьахтара кийиитин уонна үс сиэнин дьиэни туһанар бырааптарын…
Бөрөнү Ороһуга көрбөтөхтөр. Бүгүн социальнай ситимнэринэн ыкка дуу, түһэрээччилэргэ дуу боотургуур бөрө видеота тарҕанна. “Ороһуга”…
Быйыл сэтинньи 10 күнүттэн 16 күнүгэр диэри Арассыыйаҕа Хаачыстыба аан дойдутааҕы нэдиэлэтэ буолуоҕа, ол чэрчитинэн…
Москваҕа ботулизмынан маассабай сүһүрүү түбэлтэтэ таҕыста. Биир дьиэ кэргэнтэн биэс киһи ыарахан туруктаах балыыһаҕа, реанимацияҕа…
Саха сирин чэпчэки атлетикатын бастыҥнарыттан биирдэстэрэ Наталья Леонтьева Узбекистаҥҥа ыытыллыбыт Самарканд марафонугар үрүҥ көмүс мэтээлинэн…
Саха сирин уус-уран гимнастикаҕа кулууптара Казахстаҥҥа уонна Таилаҥҥа ыытыллыбыт норуоттар икки ардыларынааҕы күрэхтэһиилэргэ ситиһиилээхтик кытыннылар.…