«Саталга» 64 дьиэ сылытыллыбыт

«Саталга» саахалы туоратыыга үлэлиир биригээдэлэр күүстэринэн 64 дьиэ сылытыллыбыт. 

Гаас уонна коммунальнай хаһаайыстыба үлэһиттэрэ 910 дьиэни бэрэбиэркэлээбиттэр. Тохсунньу 3 күнүгэр түүн 01 чааска диэри үлэлээннэр, 64 дьиэ сылытыллыбыт. Бу туһунан куорат дьаһалтатын пресс-сулууспатын бэҕэһээҥҥи иһитиннэриитигэр суруллар

Саахалы туоратыыга үлэлиир суһал ыстаапка 130-тан тахса сайаапка киирбит. Оттон биригээдэлэргэ 199 киһи, 70 тиэхиньикэ үлэлээбит. Ол курдук, «Сахатранснефтегаз», «Якутскэнерго» ПАУо, уокуруктар управалара уонна куорат таһынааҕы дьаһалталар, куорат коммунальнай сулууспалара, СӨ быыһыыр сулууспата, Дьокуускай куорат аварийнай-быыһыыр сулууспата, ЯПАК, «ОДьКХ» ГУП Коммункомплектация филиала, «Перспектива», «Киин ОДьКХ», «Альтаир», «ДСК», «Солидарность+», «Эдельвейс», «РИФ», «Лидер+», «Кристалл», «Теплоэнергия+», «Жилищный стандарт», «ЦАДС», «ЭЛМА», ОЖФ «Губинскай ОДьКХ», «Севернай», «Комфорт сити», «Акведук», «Утум+», «Юнион» УК, «Жилкомсервис», «ПТСК» МУП, «Водоканал», ММУ МВД «Якутское», бэйэлэрин баҕаларынан көмөлөһөөччүлэр, уо.д.а. үлэлээбиттэр.

Дьокуускай дьаһалтатын пресс-сулууспата