Салгыы
«Саталга» саахалы туоратыыга 30 биригээдэ үлэлиир

«Саталга» саахалы туоратыыга 30 биригээдэ үлэлиир

Ааптар:
02.01.2023, 08:38
Бөлөххө киир:

Бэҕэһээ, тохсунньу 1 күнүгэр, «Саталга» уот баран, чааһынай секторга саахал таҕыста.

Бэҕэһээ киэһээҥҥи туругунан гаас сулууспалара 910 дьиэҕэ сылдьан, гааһы биэрбиттэр. 30 дьиэҕэ сылааһынан хааччыллыыга кэһиллии тахсыбытын эмиэ быһаарбыттар. Хаһаайыннар көстүбэккэлэр, икки дьиэ тоҥон турар. Киэһээҥҥи туругунан саахалы туоратыыга 30 биригээдэ (барыта 100-чэкэ киһи) үлэлиир.
Бу туһунан СӨ Бырабыыталыстыбатын бэрэссэдээтэлин 1-кы солбуйааччы Дмитрий Садовников Суһал ыстаап киэһээҥҥи мунньаҕар эттэ.
СӨ нэһилиэнньэҕэ куттал суох буолуутун хааччыйар судаарыстыбаннай кэмитиэт бэрэссэдээтэлэ Дмитрий Лепчиков билиҥҥи туругунан  тоҥон турар 2 дьиэ хаһаайыннарын диспетчерскэй сулууспа көрдүөҕэ уонна анал биригээдэлэр  чөлүгэр түһэрии үлэтэ түмүктэниэр диэри сылдьыахтара диэтэ.
«Бары биригээдэлэр тустаах үнүстүрүмүөннэринэн, матырыйаалынан толору хааччылыылаахтар: уу ситиминэн, тепловой пушкаларынан, уматыгынан», — диэн  Дмитрий Лепчиков  иһитиннэрдэ.
Суһал ыстаап быһаарыытынан  дьиэ ситимин өрөмүөннүүр кэмҥэ дьон быстах кэмҥэ олорор пууҥҥа олоруохтарын эмиэ сөп.

«Чөлүгэр түһэрии үлэтэ барар кэмигэр «Саталга» сылааһынан хааччыйар оптуобус  үлэлиир. Түөлбэ биир олохтооҕо эрийэн эппитигэр, тустаах үлэ ыытыллар кэмигэр, оҕолору аймахтарыгар илдьэн биэрбиппит», — диэн  Дьокуускай куорат мээрин солбуйааччы Владимир Аржаков иһитиннэрдэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -10°C
  • Ощущается: -17°Влажность: 41% Скорость ветра: 6 м/с

Сообщить об опечатке

Текст, который будет отправлен нашим редакторам: