«Саталга» сир атыылааспыт дьону көрдүүллэр

Былырыын, 2024 сыллаахха, тэриллибит холуобунай дьыала силиэстийэтэ бара турар. Ол курдук «Сатал» түөлбэтигэр уһаайба сирдэрин атыылааһыҥҥа түөкүннээһин тахсыбыта. 

Сокуону кэһэн туран дьоҥҥо  Дьокуускай куорат таһыгар «Сатал» түөлбэтин 12-c кыбартаалыгар сир учаастактарын атыылаабыттара биллибитэ.  РФ Холуобунай кодексатын 159 ыст. «Түөкүннээһин» диэн холуобунай дьыала тэриллибитэ. Бүгүҥҥү күҥҥэ түөкүннээһиҥҥэ эмсэҕэлээбит «Сатал» 12-c кыбартаалыгар сир атыыласпыт дьону быһаараллар. Онон учаастак атыыласпыт дьон суһаллык быраабы араҥаччылыыр уорганнарга сибээскэ тахсаргытыгар ыҥыраллар (89142495874, 89679112696).