Саҥа сыл бастакы күнүгэр Дьокуускай куорат таһыгар баар «Сатал» түөлбэҕэ хас да чааһы быһа уот арахсан, дьиэлэр тоҥоннор, улахан хоромньу таҕыста.
Ол курдук, тохсунньу 1 күнүгэр сарсыарда 07 чаас 25 мүнүүтэҕэ «Радиоцентр» подстанцияҕа аварийнай уот арахсыыта тахсан, Жатайга, Киллэмҥэ, Тулагыга, Кангаласска уонна Мархаҕа электричество уотунан хааччыйыыга хааччахтааһын тахсыбыта.
«Сатал» абонентскай ситим ячейкатын кабелыгар кылгас тиксиһии (короткое замыкания) тахсан, технологическай кээһэнии буолан, 1Т трансформатор арахсыбыт«, — диэн «Якутскэнерго» ПАУо кылаабынай инженерэ Игорь Шкурко иһитиннэрдэ.
Үөскээбит быһыыны-майгыны чинчийэн, үөрэтэн баран, ноҕурууска улахан чааһын 07:51 ч. «Кангалассы» подстанцияҕа көһөрбүттэр. Салгыы 08:21 ч. хаалбыт туһанааччылар, «Саталтан» ураты, уотунан хааччыллыбыттар.
Суһал биригээдэ 10 кВ ситимҥэ муфтаны оҥорбутун кэннэ, 16:04 ч. «Саталга» уотунан хааччыллыы чөлүгэр түһэриллибит.
Киин электрическэй ситимнэр пресс-сулууспалара иһитиннэрбитинэн, туһааннаах түөлбэ электросетевой хаһаайыстыбата абонентскай буолан, «Сатал» СОНТ көрүүтүгэр сылдьар. «Сатал» СОНТ дьаһалтата бэйэлэрин күүстэринэн саахалы кыайан туоратар кыахтара суох буолан, чөлүгэр түһэрии үлэтигэр көмөлөһөргө быһаарыы ылыммыттар. Чөлүгэр түһэрии үлэтигэр Киин РЭС үс биригээдэтэ үлэлээбит.
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…
Лоп курдук 60 сыл анараа өттүгэр, 1966 сыл үүнээри турдаҕына, олохпут хайдах этэй? Бу суругу…
"Дойду бэрэсидьиэнэ Владимир Путин пресс-кэмпириэнсийэтин сүрүн түгэннэриттэн биир дьоһуннаахтарынан, мин санаабар, доруобуйа харыстабылын салаатын каадырдарынан…