Хаартыска: А. Васильева.
Ньукуолун — сахаҕа сайын кэлиитэ, Саҥа дьыл салаллыыта. Саҥа сылы ыам ыйыттан ааҕаллара (алтыс ый — алтынньы). Сайын кэлиитэ, от-мас көҕөрөрө, туох барыта чэлгийэ, тылла турара — олус үөрүүлээх кэм.
Бу күн Өлүөнэ эбэбит мууһа ырааһыран, мэндээрэн көрүстэ. Олус сылаас, сайыҥҥылыы күннэр тураллар. Киһи эрэ таһырдьа күүлэйдиэх, көй салгыны эҕирийэ тыынан, күүс-уох эбиниэх курдук. Ол курдук үүнүү, тыллыы эниэргийэтэ салгыҥҥа тарҕаммыт курдук…
Эбэ кытылыгар киирэн, ким балыктыыр, ким аһыы-аһыы уу ньуурун одуулуур. Арай, уончалаах уолаттар сыгынньахтанан баран, ууга киирэн эрэллэр эбит. Ыччака даа! Кытылга онон-манан муустар сыталлар эбээт.
Уолаттар уһаабатылар, самахтарыгар диэри тымныы ууга киирэн баран, хаһыытаһа түһээт, төттөрү ойдулар. Биир хорсуннара түөһүгэр диэри ууга олорон ылла. Онон сөтүөлээн бүттүлэр.
Тымныытын аахсыбатахха, уу кэлэн турар кэмигэр, өрүскэ киирэр сэрэхтээх. Уу көтөхпүт кирэ-хоҕо, араас бактыарыйалар да баар буолуохтарын сөп. Аны туран, улаатан эрэр уолаттар билэр-көрөр баҕалара батарбакка, эбэтэр, доҕотторугар киһиргээн, хорсуннарын тургутаары, уста турар мууска да киириэхтэрин сөп.
Онон төрөппүттэр оҕолорун сэрэтиэхтэрин наада. Ордук өрүс кытылыгар турар 202, 203 түөлбэ олохтоохторо сэрэхтээх буолуохтаахтар.
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…