Сауна үлэһититтэн төлөпүөн уорбут дьахтар биэс сылга көҥүлэ быһыллыан сөп
22.11.2024, 14:30
Хаартыска: Андрей Сорокин, СИА.
Бөлөххө киир:
Дьокуускай полициятыгар эр киһи 12 тыһ.солк. суумалаах төлөпүөнүн уордарбытын туһунан иһитиннэрбит диэн СӨ ИДьМ пресс-сулууспата суруйар.
Холуобунай ирдэбил үлэһиттэрэ уорууга уорбаланар 38 саастаах дьахтары быһаарбыттар. Уоруллубут төлөпүөнү киниттэн булбуттар.
Быһаарыллыбытынан, уорбаланааччы дьахтар түүн итирик туруктаах дьиэлээн испит. Сауна аттынан ааһан иһэн онно киирбит. Сауна үлэһитэ утуйа сытарын көрөн, төлөпүөнү ылан баран тахсан барбыт.
«Уоруу» диэн ыстатыйанан холуобунай дьыала тэрилиннэ. Дьахтар биэс сылга тиийэ көҥүлэ быһыллыан сөп.
+1
2
+1
2
+1
+1
+1
7
+1
+1
2
Сообщить об опечатке
Текст, который будет отправлен нашим редакторам: