Кини социальнай ситиминэн тарҕаммыт иһитиннэриигэ итэҕэйбэттэригэр көрдөстө.
Сэрэдэҕэ телеграм-канаалларынан киһини соһутар иһитиннэрии тарҕанна: Кэриэйэ гражданина Саха сирин Дьарыктаах буолууга судаарыстыбаннай кэмитиэтин бэрэссэдээтэлин солбуйааччы Савва Михайловы сымыйанан күтүрээтэ. Михайлов бары этиллибити олоччу сидьиҥ сымыйа диэн туран, быраабы араҥаччылыыр уорганнарга үҥсүөм диэн эттэ. Кини бэйэтин дойдутуттан “кини быраабын бырабыыталыстыба өттүттэн кэһии иһин” куоппутун туһунан кэпсээбит.
Савва Михайлов бу сонуҥҥа тутатына хоруйдаан, этиллибит чахчыны сымыйа сураҕынан ааттаата. “Бу олоччу сүүс бырыһыан киһини уган биэрии, ким эрэ оонньуута, чопчу контекстаах диэххэ сөп. Онон бүгүн бу иһитиннэрии тарҕаммытын кэннэ анал идэлээхтэри, албакааттары, дьокутааттары кытта кэпсэттим. Биһиги үҥсүү бэлэмниибит уонна силиэстийэ, дьэ, быһаардын. Кырдьык үрдүгэр сымыйа ыттыбат диэн билэбин, онон кыайарбар эрэнэбин. Кырдьык – улахан күүс”, — диэтэ Савва Михайлов бэйэтин видеотыгар уонна социальнай ситимнэринэн тарҕаммыт иһитиннэриигэ итэҕэйбэттэригэр көрдөстө.
Санаттахха, Савва Михайлов алтынньы саҥатыгар баҕа өттүнэн анал байыаннай эпэрээссийэҕэ барбыта. Ахсынньыга кини Подмосковье балыыһатыгар эмтэнэ киирбитэ. Туһаайан этиитигэр Михайлов доруобуйатын чөлүгэр түһэринэр кэмигэр байыаннай чааһы, волонтердары кытта үлэлээбитин, хомуурга сылдьар дьону уонна былаас уорганнарын кытта сибээстээчи буолбутун туһунан эттэ. Билигин, кини этэринэн, уопсай туруга этэҥҥэ буолбут, онон бойобуой соруктары толорууга төннөр быланнаах.
Итиннэ эбэн этэр буоллахха, «Открытая социология» телеграм-ханаал киһи үтүө аатын соруйан кирдээх дьыалаҕа булкуйан хоруотуу сатыылларын туһунан ыйар. Ол туһунан сиһилии манна киирэн билсиҥ.
Хаартыска: тустаах саайтан.
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…