Саяна Эверстова компьютерынан оонньуу чөмпүйэнээтигэр ситиһиилээхтик кытынна

Бэс ыйын 27-30 күннэригэр Нижнэй Новгородка «Профессионаллар» Бүтүн Арассыыйатааҕы маастарыстыбаларын көрдөрөр чөмпүйэнээт түмүктүүр күрэҕэ буолан ааста.

Бу чөмпүйэнээт «Компьютернай оонньуулары уонна мобильнай сыһыарыылары оҥоруу» компетенциятыгар И.С.Гаврильев аатынан Нам 1-кы №-дээх орто оскуолатын 10-с кылааһын үөрэнээччитэ Саяна Эверстова кытынна. Кини салайааччытынан экспер-компатриот Г.Р. Никитин буолар.

Чөмпүйэнээккэ Москваттан, Санкт-Петербуртан, Сахалинскай, Новосибирскай, Оренбург, Москва, Томскай, Псков, Тверь уобаластартан, Татарстан, Башкортостан Өрөспүүбүлүкэлэртэн элбэх киһи кытынна диэн Нам улууһун дьаһалтатын пресс-сулууспата иһитиннэрэр.

Өркөн өйдөөхтөр киирсиилэрин чөмпүйэнээтин түмүгэр биһиги кыыспыт, Саяна 6-с миэстэни ылары ситистэ.