Саргын Скрябин хаартыскаҕа түһэриитэ, СИА
Дьокуускайга сылы эргиччи оҕуруот аһын, күөх үүнээйини үүннэриинэн дьарыктанар «Саюри» тэпилииссэ комплексыгар газовай электрстанция (ГПУ) үлэҕэ киирдэ.
Тэпилииссэ комплекса туруктаахтык үлэлиирин 2 МВт кыамталаах энергетикэ саҥа эбийиэгэ хааччыйыа диэн бэлиэтииллэр.
СӨ Бырабыыталыстыба Бэрэссэдээтэлин солбуйааччы Сергей Местников: «СӨ Ил Дархана Айсен Сергеевич Николаев көҕүлээһининэн эспэримиэн быһыытынан үлэтин саҕалаабыт бырайыак эрэгийиэни бүттүүнүн кэриэтэ уонна киин куораты оҕуруот аһынан хааччыйар кыахтанна, Дьокуускай быстыспат сорҕотунан буолла. Федеральнай киин өйөбүлүнэн, тэпилииссэ комплекса тиһиктээхтик сайдар, онон Саха сирин олохтоохторо сылы эргиччи сибиэһэй оҕуруот аһын амсайаллар. Бу сыллата өссө сайдан, тупсан иһэригэр эрэнэбин. Тэрилтэ үлэҕэ киллэрэр саҥа хайысхалара улахан кэскиллээхтэр. Онон оҕуруот аһын арааһа өссө элбиэ уонна өрөспүүбүлүкэ олохтоохторо сибиэһэй хаачыстыбалаах оҕуруот аһынан хааччыллыахтара».
«Звезда Арктики» ХЭУо бырайыак салайааччыта — «Саюри» ХЭУо управляющайа В.Гарипов этэринэн, агрокомплекс аныгы үйэҕэ тололру эппиэттиир тэрилинэн хааччыллыбыт. 3,3 гект. иэннээх тэпилииссэҕэ 2 400 тн оҕурсу, помидор, күөх үүнээйи үүннэриллэр. Манна 113 үлэ миэстэтэ тэриллибит.
Сиһилии https://www.sakha.gov.ru/news/front/view/id/3473790 ааҕыҥ.
СӨ Ил Дарханын уонна Бырабыыталыстыбатын пресс-сулууспата
Саргын Скрябин хаартыскаҕа түһэриитэ, СИА
Дьокуускай куорат суута элбэх кыбартыыралаах дьиэни тутан бүтэрэр болдьоҕу хойутаппытын иһин тутааччыны дуогабар сууматын төнүннэрэргэ…
Байыаннай-мэдиссиинискэй хамыыһыйаны байыаннай сулууспалаах уоппускаҕа сылдьар сиригэр быһаччы барыан сөп. Бу туһунан бүгүн нэдиэлэ аайы…
СӨ Бырабыыталыстыбата 2026 сылга өрөспүүбүлүкэ сүрүн социальнай-демографическай бөлөхтөрүнэн биир киһиэхэ ааҕыынан тиийинэн олоруу алын кээмэйин…
Булуҥ улууһугар Өлүөнэ өрүһүнэн Быковскай — Дьокуускай хайысханан айаннаан испит «Залив» уонна «Быков мыс» диэн…
"ВОИН" кииҥҥэ үөрэммит, үрдүкү кылаас оҕолоро Арассыыйа эрэгийиэннэригэр баар үрдүк үөрэх кыһаларыгар туттарсар түгэннэригэр, эбии…
Полицияҕа куорат олохтооҕо кэлэн, Ленин проспегар турар массыынатын сиэркилэлэрин алдьаппыттарын туһунан иһитиннэрбит. Хоромньу быһа холоон…