«Саюри» сыанатын үрдэтиэҕэ

Муус устар 21 күнүттэн «Саюри» ХЭУо  бородууксуйатыгар, ол иһигэр оҕурсуга уонна  помидорга  сыана кыратык үрдүөҕэ. Бу туһунан тэрилтэ телеграм-ханаалыгар сурутааччыларыгар иһитиннэрдэ.

Тас дойдуга оҥоһуллар агроматырыйаал сыаната үрдээн, маннык быһаарыныы ылыммыттарын эттилэр.  Холобур, «Мева» оҕурсу суордун сиэмэтэ былырыын балаҕан ыйдааҕар 7 бырыһыанынан улааппыт.  Помидорга эмиэ маннык балаһыанньа үөскээбит. Уоҕурдуу  10% үрдээбит.

— Биһиги сыананы биир киилэ оҕурсуга 10 солкуобайынан, помидорга 5 солкуобайынан үрдэтэбит. Онон оҕурсу 4%, помидор 2%  курдук үрдүөҕэ. Мантан атын бородууксуйаҕа, ол иһигэр клубникаҕа, «Черри» суортаах тамаакка сыана оннунан хаалар, — диэн быһаардылар.