Сбер оскуолатыгар үөрэтиигэ ылыы саҕаланна

Share

Сбер «Школа 21» диэн сыыппара технологиятын оскуолатыгар икки нэдиэлэлээх «бассейннарга» сурутуу аһылынна: кыттааччылар 14 күн иһигэр талыллан, киириэхтэрин сөп.

«Бассейн» диэн Сбер сыыппара технологиятын  оскуолатыгар сүрүн бырагыраамаҕа киириэх иннинээҕи бүтэһик талыы түһүмэҕин ааттыыллар. 18-тан үөһээ саастаах ким баҕарар, бырагырааманы оҥороруттан-оҥорботуттан уонна уопутуттан тутулуга суох,  киирэн үөрэнэн, ИТ-үөрүйэхтэри босхо ылыан уонна сыыппара инженерэ буолуон сөп. Икки нэдиэлэлээх «бассейн» сэтинньи 17 күнүттэн саҕаланар.

Анатолий Мыреев, оскуола дириэктэрэ:

— 14 күннээх «бассейн»пилотнай көрүҥүн саҕалаатыбыт. Биһиги «равный — равному»  ньымабыт бары үчүгэй өрүттэрин хаалларар уонна өссө эбиллибит кээмэйдээх практическай билиини биэрэр. Ол аата икки нэдиэлэ буолан баран, эн IT эйгэтигэр интэриэскин тургутан, сыыппара технологиятыгар саҥа эйгэни арыйар кыахтаныаҥ.

Икки нэдиэлэ устата ыытыллар талыы түһүмэҕэр кыттааччылар 11 сорудаҕы толоруохтара: 7 биирдиилээн бырайыагы, 2 бөлөҕүнэн бырайыагы уонна 2 эксээмэни.

Кыттааччылар Linux уонна хамаанда строкатын үөрэтиэхтэрэ, Git уонна GitLab кытта үлэлииргэ үөрэниэхтэрэ, С тылынан бырайыактары суруйуохтара уонна оҥоруохтара, хамаанданан үлэлииргэ уопут ылыахтара. Хас биирдии күн саҥа сорудахтаах, туспа үлэни, тэҥнээхтэрин сыаналааһыны уонна бириэмэни туһаныы үөрүйэхтэрин ирдиир.

Талар түһүмэх түмүгүнэн, кыттааччылар бу оскуолаҕа сүрүн бэлэмнэнии бырагырааматыгар киирэллэр. Үөрэх уһуна  тоҕус ыйтан икки сылга диэри барар, талыллыбыт хайысхаттан уонна үөрэх тэтимиттэн тутулуктаах.

Үөрэххэ киирэргэ оскуола саайтыгар сайабылыанньа биэриэххитин сөп: https://21-school.ru

«Школа 21» диэн Сбер сыыппара технологиятын оскуолата, 18 уонна онтон үөһээ саастаах, квалификационнай түһүмэхтэри ситиһиилээхтик ааспыт дьоҥҥо барыларыгар босхо  IT-үөрэҕи ылар кыаҕы биэрэр. Үөрэхтэрин бүтэрбиттэр 100% ситиһиилээхтик Арассыыйа сүрүн IT хампаанньаларыгар уонна стартаптарыгар үлэ булаллар.

Сиһилии манна аах.

Recent Posts

  • Сонуннар
  • Уопсастыба

Госдуумаҕа хамнаһы сыл аайы индексациялыыры сокуонунан бигэргэтэргэ этии киллэрдилэр

Дойду үрдүнэн хамнаһы сыл аайы индексациялааһын бары эйгэни хабыахтаах, онно сөптөөх мэхэньииһим РФ Үлэ кодексатыгар…

1 час ago
  • Сонуннар
  • Уопсастыба

«Битва роботов» иккис сүүмэрдиир түһүмэҕэ алтынньы 11 күнүгэр ыытыллыаҕа

«Битва роботов» норуоттар икки ардыларынааҕы чөмпүйэнээт 2025 сыллааҕы сезонун иккис сүүмэрдиир түһүмэҕэ алтынньы 11 күнүгэр…

1 час ago
  • Сонуннар
  • Уопсастыба

78 тыһыынча киһи «Госуслуги Дом» сыһыарыыны туһанар

«Госуслуги Дом» мобильнай сыһыарыыны өрөспүүбүлүкэ олохтоохторо көхтөөхтүк туһаналлара салҕанар. Бүгүҥҥү күҥҥэ сыһыарыыны 78 789 киһи…

2 часа ago
  • Быһылаан
  • Сонуннар

Дьокуускайга итирик суоппар оҕо күүтэр дьахтар өлүүтүгэр уорбаланар

Дьокуускай куорат  борокуратуурата оҕо күүтэр дьахтар өлүүлээх суол быһылаанын чахчытынан холуобунай дьыала тэриллиитин сокуоннайынан билиннэ.…

2 часа ago
  • Сонуннар
  • Уопсастыба

Кэскиллээх тутааччыларга анаан үлэ дьаарбаҥката буолан ааста

Дьокуускайга «Эдэр исписэлиис – кэскиллээх тутааччы» пуорум чэрчитинэн үлэ дьаарбаҥката буолан ааста. М.К. Аммосов аатынан…

2 часа ago
  • Байыаннай эпэрээссийэ
  • Сонуннар

4 тыһ. тахса байыаннай дьайыы кыттыылааҕа уонна кинилэр дьиэ кэргэттэрэ реабилитационнай көмөнөн туһаннылар

Саха сиригэр байыаннай дьайыы 1488 кыттыылааҕа уонна кинилэр дьиэ кэргэттэрин 2738 чилиэнэ реабилитационнай көмөнү ыллылар.…

2 часа ago