Хаартыска: А.Сорокин (СИА)
Атырдьах ыйын 21 күнүгэр Дьокуускайга #ЗеленыйЧетверг экология бырайыагын чэрчитинэн, улахан мастары көһөрөргө анал тиэхиньикэ күлүүһүн “Якутлесресурс” тэрилтэҕэ туттардылар. Массыына комплексын атыылаһарга эрэгийиэннэргэ экология көҕүлээһиннэрин өйүүр, үп сүрүн институттарыттан биирдэстэрэ Сбер үлэлэстэ.
Саха сиригэр тиэхиньикэни биэрэр туһунан дуогабар Ил Дархан Айсен Николаев уонна Сбер бырабылыанньатын бэрэссэдээтэлэ Герман Греф Дьокуускайга көрсүһүүлэригэр түһэрсиллибитэ.
“2023 сыл сэтинньитигэр Дьокуускайга өрөспүүбүлүкэ доҕоро уонна бииргэ үлэлэһээччитэ, Сбер салайааччыта Герман Греф кэлэ сылдьыбыта. Кини аныгы урбанистиканы кэрэхсиир уонна дойду куораттара сайдалларыгар элбэҕи оҥорор киһи быһыытынан, Дьокуускайга көҕөрдүү үлэтэ көхтөөхтүк ыытыллыахтааҕын туһунан этии киллэрбитэ. Онон биһиги бүгүн аныгы тэрилинэн сэбилэммит, 10 миэтэрэҕэ тиийэ үрдүктээх уонна 25 сантиметр диаметрдаах улахан мастары көһөрөр кыахтаах анал тиэхиньикэни “Якутлесресурс” тэрилтэҕэ туттарабыт. Мас олус бытааннык үүнэр, онтон көһөрүллүбүт мас оннун кыайан булбат биһиги килиимэппитигэр бу анал тиэхиньикэ куораппытын улахан мастарынан түргэнник, хаачыстыбалаахтык көҕөрдөр кыаҕы биэриэҕэ”, — диэтэ Айсен Николаев.
Анал тиэхиньикэ 90 сантиметрга тиийэ тымныы кырыска тиийэн, кыһын үлэлиир кыахтаах.
Манна сыһыаран эттэххэ, ойууру чөлүгэр түһэрии үлэтэ РФ бэрэсидьиэнэ Владимир Путин көҕүлээбит “Экологическое благополучие” национальнай бырайыагын “Ойууру харыстааһын” бырайыагын чэрчитинэн биһиги судаарыстыбабыт дьоһун суолталаах соругунан буолар.
СӨ Ил Дарханын уонна бырабыыталыстыбатын пресс-сулууспата
Саха сирин Ил Дарханын Айсен Николаев Ыйааҕын толоруу чэрчитинэн, Оҕолору уона обургу оҕолору чөлүгэр түһэрэр…
Донецкай Норуодунай Өрөспүүбүлүкэҕэ 222 тыһыынчаттан тахса киһи олорор 6 муниципальнай тэриллиигэ 26 нэһилиэнньэлээх пуун Уһук…
Бу сыл тоҕус ыйын түмүгүнэн, Дьокуускайга итирик туруктаах массыынаны хаттаан ыыппыт дьоҥҥо сыһыаннаан 274 холуобунай…
«…Айхал алгыс сахам тыла, Уруй олук сахам тыла, Күн бэлэҕэ сахам тыла». Ити курдук киэн…
2026 сылга ыам ыйын бырааһынньыктара саҥа дьылга уһун өрөбүллэртэн сылтаан, үс күҥҥэ диэри кылгатыллар. Бу…
СӨ Тырааныспарга министиэристибэтэ өрөспүүбүлүкэҕэ паромнар сырыыларын тохтотор кыраапыгын таһаарда. «Дьокуускай – Аллараа Бэстээх» хайысханан паромнар…