Сбер “Школа 21” аныгы кэм оскуолатыгар бастакы үөрэх саҕаланна
![](https://sakha-sire.ru/wp-content/uploads/2024/01/sajt-4-1060x513.jpg)
Дьокуускайга “Школа 21” кампус аһыллыаҕыттан ыла икки сүүмэрдиир интенсивкэ 400-тэн тахса киһи кытынна. Ол түмүгүнэн 120-тэн тахса кыттааччы талыллан, бүгүҥҥүттэн ыла программированиеҕа үөрэниэҕэ.
“Школа 21” үөрэнэргэ барыта 4 тыһыынчаттан тахса сайаапка киирбитэ. Сайаапка биэрбит дьон араас саастаахтар, араас идэлээхтэр, ол гынан баран, бары баҕалаахтар уонна дьаныардаахтар. Интенсив кэмигэр хайыы үйэ доҕордоһон бириэмэлэрин үөрэ-көтө бииргэ атаараллар. Биллэн турар, долгуйаллар эрээри, барыта сатанарыгар эрэллээхтэр. Кинилэргэ мин эмиэ эрэнэбин”, — диэн Ил Дархан Айсен Николаев бэйэтин телеграм-ханаалыгар суруйда.
Хас биирдии кыттааччыны булгуччулаах түһүмэх – ИТ-хампаанньаҕа үс ыйдаах стажировка күүтэр. Быраабыла курдук, кинилэр стажировка бүтүөр диэри үлэҕэ киирэллэр уонна салҕыы үөрэнэллэр. Онон, 1.5-3 ый иһигэр олус наадалаах ИТ-идэни ылыахтара уонна идэлэрин толору баһылыахтара.
Сообщить об опечатке
Текст, который будет отправлен нашим редакторам: