Сбербаан сэрэтэр: түөкүттэр оҕолор аккауннарын «куортамҥа» ылаллар

Хара санаалаахтар сокуоннай саастарын туола илик оҕолору кытта социальнай ситимнэргэ эбэтэр оонньуур бөлөхтөргө бииргэ сылдьан сибээскэ киирэллэр. Ол кэнниттэн оҕолорго аккауннарын уларыстахтарына 500 солкуобайтан икки тыһыынча солкуобайга диэри харчы биэриэхпит диэн этэллэр.

Аккауҥҥа киирэн баран, түөкүттэр онно судаарыстыбаннай уорганнар, мобильнай эпэрээтэрдэр, бааннар уонна да атын тэрилтэлэр логотиптарын туруоран кэбиһэллэр, ол кэнниттэн эмсэҕэлээччилэртэн харчыларын уорар сыаллаах эрийэллэр.

«Маннык схемаҕа профиль хаһаайына холуобунай схема кыттыылааҕа буолар», — диэн Сбербааҥҥа сэрэттилэр.