Счетчига суох тымныы уу төлөбүрүн ааҕыы уларыйда

Кыбартыыраҕа счетчик суох буоллаҕына тымныы ууга төлөбүр кээмэйэ икки бүк улаатыаҕа. Бу туһунан дойду бырабыыталыстыбатын докумуоннарыгар олоҕуран РИА Новости иһитиннэрэр.

Тымныы уунан хааччыйыы төлөбүрүн ааҕыы быраабылаларыгар сөптөөх уларытыылар киирдилэр. Бу уларыйыылар ааҕар тэрили (счетчигы) туруорар тэхиниичэскэй кыах баар эрээри, ону туруоруммат кыбартыыралары уонна дьиэлэри таарыйыахтара. Маннык түгэннэргэ кибитээнсийэҕэ түмүк суума ууну туһаныы нуорматыгар, тарыыпка, олорор дьон ахсааныгар уонна анал коэффициеҥҥа олоҕуран тахсар. Урут тымныы ууга төлөбүрү үрдэтэр коэффициена 1,5-кэ тэҥнэһэрэ, оттон билигин 3-кэ диэри улаатыннардылар. Онуоха  итии уунан хааччыйыыга, кирдээх ууну сүүрдүүгэ (водоотведение) уонна уокка көрдөрүү урукку таһымынан — 1,5 хаалыаҕа.