Счетчик көрдөрүүтүн биэрии кэмэ саҕаланна

Хас ый ахсын 20-25 күннэригэр Уһук Илин энергетическай  хампаанньаҕа (ДЭК)  счетчик көрдөрүүлэрэ бэриллиэхтээх.

Бу сыалга анаан хампаанньа дьон-сэргэ олоҕун чэпчэтэргэ араас ньымалары оҥорон киллэрэр. Бу иннинэ биир кэлим контакт-кииҥҥэ эрийэн көрдөрүүлэри биэрэр эбит буоллахха, быйылгыттан 8-800-234-77-77 нүөмэринэн төгүрүк суукка үлэлиир виртуальнай «Алена» көмөлөһөөччү холбонно. Онон контакт-кииҥҥэ оператор холбонорун кэтэспэккэ эрэ «Алена» көмөлөһөөччү сарсыарда эрдэ, түүн да буоллун счетчик көрдөрүүлэрин ылар.

Счетчик көрдөрүүлэрин биэрэргэ «Показания» диигит, ол кэннэ «Алена» көмөлөһөөччү кибитээнсийэҕэ ыйыллыбыт абонент нүөмэрин этэргэ көрдөһүөҕэ. Ити курдук «Алена» көмөлөһөөччүгэ эрийэн уустуга суох уонна олус түргэнник счетчик көрдөрүүлэрин биэриэххэ сөп. Маны сэргэ ыраахтан олорон ДЭК сиэрбистэрин нөҥүө ыытыахха сөп:

• — ДЭК мобильнай сыһыарыыга;
• — регистрацията суох ДЭК саайт нөҥүө; 
• — ДЭК контакт-киинигэр үлэ күнүгэр сарсыарда 9.00 чаастан киэһэ 19.00 чааска диэри төлөпүөнүнэн 8-800-234-7777  нүөмэргэ эрийэн (босхо);
• — хампаанньа офистарыгар оператор нөҥүө эбэтэр кумааҕыга суруйан дьааһыкка уган хааллараҕыт.