Андрей Сорокин хаартысктаа, СИА.
Бүгүн, тохсунньу 18 күнүгэр, Ил Дархан Айсен Николаев Алмаасэргиэнбаан үлэтин түмүктэрин уонна бу сылга былааннарын туһунан мунньаҕы ыытта. Эрэгийиэн баһылыга сыл бастакы аҥаарыгар баан сүрүн стратегическай сыалларын бигэргэтэр туһунан соругу салалтаҕа туруорда.
«Бу өрөспүүбүлүкэ улахан баанынан буолар, Саха сирин үбүн систиэмэтигэр суолталаах. 2023 сыллааҕы көрдөрүүлэр ситиһиилээхтэр», — диэн Айсен Николаев эттэ.
Алмаасэргиэнбаан бырабылыанньатын бэрэссэдээтэлэ Николай Долгунов бэлиэтээбитинэн, уустук сыл ааспытын да иһин, баан көрдөрүүлэрэ үрдээн иһэр.
Ааспыт сылга баан өрөспүүбүлүкэ ситэриилээх былааһын уорганнарын кытта «Саха сирин олохтооҕун каартатын» функционалын кэҥэппиттэрэ. Бүгүҥҥү күҥҥэ каартанан 137 тыһыынча киһи туһанар.
Баан өрөспүүбүлүкэ сиригэр-уотугар национальнай бырайыактар олоххо киириилэригэр көхтөөхтүк кыттар. РФ бэрэсидьиэнэ Владимир Путин көҕүлээбит «Демография», «Үөрэхтээһин», «Доруобуйа харыстабыла» бырайыактар иитинэн социальнай инфраструктураны хааччыйыыга кыттар.
Баан көмөтүнэн оскуолалар, уһуйааннар, доруобуйа харыстабылын, култуура эбийиэктэрэ, суоллар, аэропортар тутуллаллар. «Олорор дьиэ-уот уонна куорат эйгэтэ» бырайыагынан 64 элбэх кыбартыыралаах дьиэ тутулла турар уонна киирэрэ былааннанар.
2018 сылтан Алмаасэргиэнбаан кыттыылаах 200-тэн тахса эбийиэк тутулунна, бу сылга 80-ча эбийиэк тутуллар диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.
Саха сиригэр биир нэһилиэк урукку баһылыгар муниципалитет баайын-дуолун сымыйанан учуоттан уһулан, бэйэтигэр иҥэриммитигэр бириигэбэр сокуоннай…
«Аҕа дойдуну көмүскээччилэр» судаарыстыбаннай пуонда Саха сиринээҕи салаатын үлэтэ саҕаланыаҕыттан, 11,5 тыһыынчаттан тахса киһиттэн, ол…
2022 сылтан төрүт култуураны тарҕатааччыларга Ил Дархан истипиэндьийэтэ бэриллэр буолбута. Бу кэмтэн уопсайа 81 киһи…
Үөһээ Бүлүү улууһугар ыытыллар «Тыа сирин оскуолата уонна Үөрэх маарката-2025» XXI өрөспүүбүлүкэтээҕи педагогическай дьаарбаҥкаҕа Саха…
Саха сиригэр от ыйын 1 күнүттэн 2025-2026 сс. бултааһын сезонугар саамай тарҕаммыт бултка - көтөрү…
Байыаннай дьайыыга сылдьар хоһуун санаалаах хорсун ыччаттарга Кэбээйи улууһун Куокуй нэһилиэгэр "Надежда" иис түмсүүтэ тиһигин…