Хаартыска: Саргын Скрябин, ЯСИА.
Бүгүн, сэтинньи 13 күнүгэр, СӨ Бастакы Бэрэсидьиэнэ Михаил Николаев төрөөбүт күнэ. Бу күн Өрөспүүбүлүкэ саалатыгар 2025 сыллааҕы лауреаттарга Бастакы Бэрэсидьиэн Судаарыстыбаннай истипиэндьийэтин туттарыы өрөгөйдөөх быһыыга-майгыга буолла.
Лауреаттарынан буоллулар: Кэбээйи улууһун Сэбээн Күөл орто оскуолатын 11 кылааһын үөрэнээччитэ Лалина Алаганчакова, Арктическай оскуола 11 кылааһын үөрэнээччитэ Лю Цзелун, Дьокуускайдааҕы балет оскуолатын (колледжын) 3 кууруһун устудьуона Айтал Молдагулов, Бүлүү улууһун Халбаакы орто оскуолатын английскай тылга учуутала Раиса Григорьева, Дьокуускайдааҕы национальнай гимназия физикаҕа учуутала Андрей Семенов, Дьокуускайдааҕы балет оскуолатын (колледжын) дириэктэрэ, анал дьиссипилиинэ педагога Дария Дмитриева, Муусука үрдүкү оскуолатын доцена, фортепиано кафедратын сэбиэдиссэйэ Ольга Гаврильева уонна Ульяновскай уобалас Ишеевскэйдээҕи элбэх хайысхалаах лицейин физикаҕа учуутала Петр Головин.
“Бастакы Бэрэсидьиэн Михаил Николаев аатынан “Билиигинэн кыайыаҥ” судаарыстыбаннай истипиэндьийэни ылыы биһиэхэ сүҥкэн чиэс уонна эппиэтинэс буолар. Биһиги хайаан да эһиги итэҕэлгитин толоруохпут, төрөөбүт өрөспүүбүлүкэбит туһугар үөрэниэхпит, үлэлиэхпит”, — диэн лауреаттар ааттарыттан Айтал Молдагулов тыл эттэ.
Бүлүү улууһун Халбаакы орто оскуолатын английскай тылга учуутала Раиса Григорьева 25 сыл оскуолаҕа үлэлиир, “Инникигэ хардыы” билим-практическай кэмпириэнсийэҕэ, атын да бырайыактарга элбэх оҕону кытыннарар.
“Мин үөрэнээччилэрим өрөспүүбүлүкэтээҕи да, Арассыыйатааҕы да олимпиадаларга, кэмпириэнсийэлэргэ кытталлар, бириистээх миэстэлэри ылаллар. Үлэбит үрдүктүк сыаналаммытыттан үөрдүм”, — диир Раиса Григорьева.
Бастакы Бэрэсидьиэммит истипиэндьийэтэ ыччаты, учууталлары хаачыстыбалаах үөрэтиигэ, билиигэ өссө да көҕүлүү, сирдии туруохтун. Бу туһунан Ил Дархан, бырабыыталыстыба пресс-сулууспата иһитиннэрэр.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…