Хаартыска: sakha.gov.ru саайтан.
Усуйаана оройуонугар бастакы вице-премьер Дьулустаан Борисов тырааныспар, Арктика уонна хотугу норуоттар дьыалаларын министиэристибэлэр, уу тырааныспарын тэрилтэлэрин бэрэстэбиитэллэрин кытта Нижнеянскай уонна Уус-Куйга пуортарын инфраструктуратын көрдүлэр-иһиттилэр, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
2024 сылга уу суолунан Дьааҥы умнаһын улуустарын нэһилиэнньэлээх пууннарыгар 154,4 тыһ туонна таһаҕас тиэрдиллиэхтээҕэ былааннанар. Атырдьах ыйын 22 күнүнээҕи туругунан, 121 тыһ. туонна куруустанна, 23 тыһ туонна таһаҕас тиэрдилиннэ.
Ону таһынан Уус-Куйга бөһүөлэгэр дьоҕус кыамталаах атомнай ыстаансыйаны тутууга 62 тыһ. туонна таһаҕас тиэрдиллиэхтээх. Дьааҥы өрүһүгэр былырыыҥҥы курдук уу таһыма намыһах буолан, таһаҕаһы тиэрдии уустук усулуобуйаҕа бара турар.
“ЛОРП” ПАУо Дьааҥытааҕы учаастагын начаалынньыга Владимир Дубровин иһитиннэрбитинэн, уопсайа 9,2 тыһ туонна уйуктаах 26 уу аала бэлэмнэр. Ону тэҥэ уматыгы “Янатрансфлот” ХЭУо 5 тыһ туонна уйуктаах 7 суудуната таһа сылдьаллар.
“Русатом Оверсиз” АУо Нижнеянскай уонна Уус-Куйга пуортарыгар 2 вилочнай погрузчигы атыыласта, харайар сир, портальнай тиэхиньикэ бэлэмнэр.
“Саханефтегазсбыт” АУо “Уус-Куйгатааҕы нефтебаазатын” филиалын дириэктэрэ Юрий Николаев этэринэн, “Уус-Куйгатааҕы нефтебааза” уонна “Нижнеянскайдааҕы нефтебааза” филиаллара төгүрүк суукканы быһа үлэлиир эрэсиимҥэ киирдилэр. “Саханефтегазсбыт” АУо инвестициялыыр бырагырааматын иһинэн 2024-2027 сс. Уус-Куйга бөһүөлэгэр 60 тыһ. кууб туонналаах 15 емкость саҥардан оҥоһуллара былааннанар.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…