Аҕыйах хонуктааҕыта, алтынньы 13 күнүгэр 972 №-дээх СӨ Бырабыыталыстыбатын дьаһала таҕыста. Дьаһалга СӨ Билимин академиятын сорох тутулун быһыытынан төрөөбүт тылы үөрэтэр, чөл хаалларар уонна сайыннарар эрэгийиэннээҕи киини аһар туһунан суруллар.
СӨ үөрэх систиэмэтин билим, мэтиэдикэ өттүнэн хааччыйар уонна судургутутар, поликультурнай уонна полилингвальнай эйгэ усулуобуйатыгар саха тылын уонна литэрэтиирэтин сайыннарар инниттэн, бастакытынан, СӨ Билимин академиятын сорох тутулун (как структурное подразделение) быһыытынан төрөөбүт тылы үөрэтэр эрэгийиэннээҕи киини аһар туһунан этиллэр. Иккиһинэн, дьаһал сыһыарыытыгар сөп түбэһиннэрэн төрөөбүт тыллары (родных языков) сайыннарар эрэгийиэннээҕи киин тэриллиитин кэнсиэпсийэтин бигэргэтэргэ диэн ыйыллар.
“Ийэ тыл кэскилэ” өрөспүүбүлүкэтээҕи хамсааһын салайааччыта Вилюяна Никитина: “СӨ Билим Академиятын иһинэн тылы үөрэтэр, харыстыыр сайыннарар киин аһылларын туһунан Бырабыыталыстыба уурааҕа тарҕанна. Кэнсиэпсийэтин көрдөххө, бу тэрилтэ үөрэх эйгэтигэр тыл кыһалҕатын, иитии үлэтин, хаачыстыбатын көрөр, үөрэх кинигэтин оҥорор, тыл туругун чинчийэр киэҥ хайысхалаах билим киинэ буолуохтаах. Маннык киэҥ хайысхалаах үлэҕэ кырата уонча исписэлиис үлэлиирэ сабаҕаланар.
Бу сонуну истэн, тыл актыбыыстара олус үөрдүбүт.
Национальнай оскуолалар институттара федеральнай бас билиигэ көһүөҕүттэн, сахалыы иитии-үөрэтии кыһалҕатыгар үлэлиир билим тэрилтэтэ баар буоларын ыра санаалаах кэтэспиппит хас да сыл буолла.
Бу киин тэриллэрин көҕүлээбит Габышева Феодосия Васильевнаҕа, өйөөбүт, үлэлэспит Ил Түмэн бэрэссэдээтэлигэр Еремеев Алексей Ильичка, Бырабыыталыстыба бэрэссэдээтэлин солбуйааччытыгар Местников Сергей Васильевичка, Ил Дархаммытыгар барҕа махталбытын тиэрдэбин!
Дьэ, уонна бу кииҥҥэ чахчы ис сүрэҕиттэн тыл туһугар ыалдьар, дьиҥнээхтик сахалыы иитии-үөрэтии сайдарыгар кыһаллар, опыттаах исписэлиистэри мунньан үлэлэтиэхтэрэ, күүстээх хамаанда тэриллэн сахалыы үөрэх туругуран иһиэ диэн кэтэһэбит. Киин тула бары бииргэ түмсэн, сүбэлэһэн үлэ хаамыыта судургутуйуо уонна тэтириэ диэн эрэнэбит!”, — диэн санаатын үллэстэр.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…