Сэттис ыҥырыылаах Ил Түмэн иккис мунньаҕар норуот дьокутааттара СӨ Бырабыыталыстыбатын бэрэссэдээтэлин бастакы солбуйааччыларын дуоһунастарыгар Дмитрий Садовников уонна Дьулустан Борисов кандидатураларын көрдүлэр.
Ил Дархан Айсен Николаев бастаан Дмитрий Садовников кандидатуратын билиһиннэрдэ. Кини кэнники сылларга үөскээбит уустук кэмнэргэ: халаан, ойуур баһаарын, хамсыҥ дьаҥын кэмигэр көдьүүстээх үлэтин бэлиэтээтэ.
«Дмитрий Садовников нэһилиэнньэ олоҕор куттал суох буолуутун хааччыйыыга уонна хаһаайыстыбаны салайыыга сүҥкэн уопуттаах. Ааспыт сылларга Бырабыыталыстыбаҕа бииргэ үлэлээн биһиги билэбит, кини баай уопутунан, идэтигэр бэриниилээҕинэн, бэйэтин профессионал быһыытынан көрдөрдө», — диэн бэлиэтээтэ Ил Дархан.
Оттон иккиһинэн, хандьыдаат Дьулустаан Борисов кандидатуратын билиһиннэрдилэр.
«Дьулустан Борисов экэнэмиис үөрэхтээх, кэнники сылларга Еврейскэй автономнай уокурукка үлэлээбит уопуттаах салайааччы. Кини дьыалабыай хаачыстыбатын өрөспүүбүлүкэ бастакы Бэрэсидьиэнэ Михаил Ефимович Николаев сыаналаан турар. Дьулустаан Анатольевич салайааччы быһыытынан олус үчүгэй түмүгү ситиспитэ, тас дойдулар хампаанньаларын кытары ыкса сибээһи олохтообута биллэр. Кини Бэрэссэдээтэли бастакы солбуйааччынан буоллаҕына экэниэмикэ боппуруостарын уонна бырамыысыланнас бэлиитикэтин сүрүннүөҕэ», — диэтэ Айсен Николаев.
Дьулустаан Борисов элбэҕи эрэннэрэр, Саха сирин сайдыытыгар кэскиллээх былааннарын кэпсээтэ. Ол кэнниттэн норуот дьокутааттара хандьыдаакка элбэх ыйытыыны биэрдилэр. Дьулустаан Борисов өр сылларга дойдутуттан тэлэһийэ сылдьан баран төннүбүт киһи буолан, үгүстэр билбэттэр. Ол эрээри биисинэс эйгэтигэр, ол кэннэ судаарыстыбаннай салалтаҕа буспут-хаппыт, хатарыллыбыт баай уопуттаах салайааччы буоларын эмиэ үгүстүк бэлиэтээтилэр. Саха сирин салалтатыгар саҥа киһи киирэрин норуот дьокутааттара өйөөтүлэр. Кистэлэҥ куоластааһынынан Дмитрий Садовниковка 62 киһи сөбүлэһэрин, 1 утарарын, 1 туттунарын биллэрбит, оттон Дьулустан Борисовы 58 киһи өйөөбүт, 2 — утарбыт, 4 — туттуммут.
Норуот дьокутааттара элбэх куолаһынан өйөөн, СӨ Бырабыыталыстыбатын Бэрэссэдээтэлин бастакы солбуйааччыларынан Дмитрий Садовниковы уонна Дьулустан Борисовы аныырга сөбүлэһэллэрин биллэрдилэр.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…