СӨ Доруобуйаҕа харыстабылын миниистирэ Лена Афанасьева байыаннай дьайыы кыттыылаахтарын дьиэ кэргэттэрин кэмитиэтин кытта көрүстэ

СӨ Доруобуйаҕа харыстабылын миниистирэ Лена Афанасьева байыаннай дьайыы кыттыылаахтарын дьиэ кэргэттэрин кэмитиэтин кытта көрүстэ.

Онлайн эрэсиимиинэн ДНӨ-ҕэ Саха сирин тирэх пуунун волонтера Марина Бахилина, ону сэргэ Ньурба, Үөһээ Бүлүү, Хаҥалас, Нам, Амма, Мииринэй, Кэбээйи, Сунтаар, Өлүөхүмэ, Усуйаана улуустара видео-сибээһинэн кыттыстылар.

Көрсүһүүгэ сүрүн болҕомтону байыаннай госпиталлары өйөөһүҥҥэ, уйулҕа өттүнэн чөлгө түһүүгэ көмө, байыаннай дьайыы кыттыылаахтарын дьиэ кэргэттэрин оҕолорун кытта чөлгө түһэрэр кииҥҥэ тэҥҥэ ыытыы,  Саха сиригэр байыаннай госпиталы тэрийии о.д.а мэдиссиинэҕэ сыһыаннаах ыйытыылары кэпсэтистилэр.

Аллараа Халыматтан байыаннай сулууспалаах ийэтэ сибээскэ тахсан, оҕото атаҕа суох хаалбытын иһитиннэрдэ. Билигин уола Бурятияҕа эмтэнэ сылдьар үһү. Ийэ инбэлиит кириэһилэтэ наадатын, хаачыстыбалаах протез оҥоһуллуутун уонна оҕото уйулҕа, эт-сиин өттүнэн чөлгө түһүүтүгэр көмө көрдөстө. Видео-сибээс нөҥүө кэпсэтиигэ бу боппуруоһу түргэнник быһаарыахпыт диэн Доруобуйа харыстабылын министиэристибэтэ эрэннэрдэ.

Миниистир Лена Афанасьева маннык көрсүһүүлэр олоххо баар боппуруостары быһаарыыга суолталааҕын бэлиэтээтэ. Көрсүһүүгэ баар мэдиссиинэ эйгэтин үлэһиттэрэ улуустартан киирбит ыйыытыыларга хоруйдаатылар. Онон этиллибит кыһалҕалаах боппуруостары быһаарыыга кинилэр бэйэлэрин кылааттарын киллэриэхтэригэр эрэллээҕин миниистир биллэрдэ.