СӨ Гражданскай оборуона уонна нэһилиэнньэ олоҕун куттала суох буолуутун министиэристибэтин бирииһигэр хапсаҕайга алтыс турнир саҕаланна 

Бүгүн сарсыарда 9 чаастан   Дьокуускайга СӨ Гражданскай оборуона уонна нэһилиэнньэ олоҕун куттала суох буолуутун министиэристибэтин бирииһигэр хапсаҕайга алтыс күрэхтэһии  «Дохсун» спортивнай комплекска саҕаланна. 

Турнирга 400-кэ киһи кыттар. Аһаҕас турнир үгэс быһыытынан икки бөлөҕүнэн ыытыллар. Турнирга 400-кэ киһи кыттар. Бастакыга СӨ Быыһыыр сулууспатын, Саха сирин судаарыстыбаннай баһаарынай сулууспатын, РФ ЫБММ эрэгийиэннээҕи управлениетын, быраабы араҥаччылыыр бары уорганнар уонна да атын биэдэмистибэлэр үлэһиттэрэ кыттыахтара. Иккискэ — идэтийбит спортсменнар. Финалга бөлөхтөрүнэн бэйэлэрин ыйааһыннарыгар кыайбыттар кыһыл көмүс мэтээл иһин киирсиэхтэрэ.

Ыйааһыннарынан кыайыылаахтары уонна призердары быһааран баран, күрэхтэһии түмүгэр үгэс быһыытынан 75 киилэҕэ диэри уонна 75 киилэттэн үөһэ ыйааһыннаах бөҕөстөргө абсолютнай киирсиилэр ыытыллыахтара, кыайыылаахтарга 100 000 солк. харчынан сэртипикээттэри туттарыахтара. Маны таһынан бэйэлэрин ыйааһыннарыгар бириистээх миэстэлэри ылбыт спортсменнар наҕараадаланыахтара: 1 миэстэ иһин 30 000 солк., 2 миэстэ иһин 20 000 солк., 3 миэстэ иһин 10 000 солк.

Быһа эпиири манна көрүҥ: https://t.me/borba_sakhaa

https://youtube.com/@borba_sakha?si=_YtQO5LGMM2lj2EH

https://vk.com/borba_sakha