СӨ Ил Дархана бастыҥ педагогтарга 100 тыһ. солк. суумалаах бириэмийэни олохтоото

Саха сирин учууталларын уонна педагогическай уопсастыбаннаһын XIV сийиэһин улахан мунньаҕар, СӨ Ил Дархана Айсен Николаев бастыҥ педагогтарга, настаабынньыктарга 100 тыһ. солк. бириэмийэни олохтуурун туһунан иһитиннэрдэ.  

“Дойду бэрэсидьиэнин ыйааҕынан 2023 сыл Педагог уонна настаабынньык сылынан биллэрбитэ. Бэрэсидьиэн бу быһаарыытыгар педагог аатын-суолун үрдүктүк тутуу, Арассыыйа үөрэҕин, үгэһин утумнааһын көстөр. Бэрэсидьиэн биллэрбит сылын өйөөн, улуус, куорат олохтоохторо талбыт 36 учуутал-настаабынньыкка, кинилэри уопсастыба билиниитин бэлиэтигэр 100-түү солк. суумалаах СӨ Ил Дарханын бириэмийэтин олохтууру биллэрэбин”, — диэн эттэ.

Хаартыска: СӨ Ил Дарханын уонна Бырабыыталыстыбатын саайтыттан.