Сайаана Львова хаартыската
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров Арассыыйа Бэрэсидьиэнин быыбарын түмүгүнэн суруналыыстарга пресс-кэмпэриэнсийэ ыытта.
Кини биһиги өрөспүүбүлүкэбитигэр быыбар түмүктэннэ, Арассыыйа Бэрэсидьиэнин быыбарыгар куоластааһын үрдүк таһымнаахтык уонна туох даҕаны кэһиитэ суох ыытылынна диэн бэлиэтээн эттэ.
«Арассыыйа Федерациятын Бэрэсидьиэнин быыбара Саха сиригэр буолан ааста. Саамай элбэх куолаһы хоту зонаҕа Өлөөн (97,13%) уонна Анаабыр (92,59%) улуустара, салгыы Таатта (86,10%), Горнай (83,70%), Үөһээ Бүлүү (92,71%) улуустара ыллылар. Оттон 14 улууска 70-тан тахса, атын улуустарга 60 иһинэн-таһынан ыллылар. Манна Дьокуускай куораты бэлиэтиэххэ наада, кини көрдөрүүтэ – 65,75%. Онон Саха сирэ Арассыыйа Бэрэсидьиэнин быыбарыгар көхтөөхтүк кытынна уонна үрдүк көрдөрүүнү биэрдэ диэн этэр кыахтаахпыт. Бүгүн киэһэ СӨ Киин быыбардыыр хамыыһыйатын мунньаҕар куоластааһын түмүгүн бэлэмнээн, официальнай докумуону Москваҕа ыытыахтаахпыт», — диэн Евгений Федоров кэпсээтэ.
Кини быйылгы Арассыыйа Бэрэсидьиэнин быыбарыгар Саха сирэ 71,57% куолаһы биэрбитин, барыта 452 366 быыбардааччы кыттыбытын, оттон алта сыл анараа өттүгэр итинник быыбарга 70,99% буолбутун бэлиэтээтэ.
«Өрөспүүбүлүкэ олохтоохторо Владимир Путиҥҥа 87,79% куолаһы биэрдилэр, уопсайа 397051 быыбардааччы куоластаата. 2018 сыллаахха Владимир Путин быыбарга 294166 куолаһы ылбыта. Быйыл көстөрүн курдук, атын хандьыдааттар биэс бырыһыаннаах кирбиини туораабатылар», — диэтэ Евгений Федоров.
Салгыы Киин быыбардыыр хамыыһыйа бэрэссэдээтэлэ Үөһээ Бүлүү улууһун алта нэһилиэгэр, Горнай улууһугар түөрт, Мэҥэ Хаҥалас, Ньурба, Өлөөн, Чурапчы улуустарыгар иккилии нэһилиэккэ 100 % куоластаатылар диэн эттэ.
Евгений Федоров пресс-кэмпириэнсийэни түмүктүүрүгэр Саха сиригэр биир даҕаны быыбардыыр учаастакка быһылаан даҕаны, айдаан даҕаны тахсыбатаҕын, куоластааһын хаамыытыгар быыбардыыр быраабы кэһии туһунан биир да сурук киирбэтэҕин бэлиэтээтэ. СӨ Киин быыбардыыр хамыыһыйа «итии лииньийэтигэр» киирбит ыйытыктар, сүнньүнэн ханна куоластыахтарын сөбүн туһунан буоларын тоһоҕолоон эттэ.
Бүгүн Дьокуускай куоракка Преображенскай таҥара дьиэтигэр православнай итэҕэллээхтэр мустуохтара. Бу сарсыарда 10:00 чааска Ороһуоспа иннинээҕи …
Бүгүн, тохсунньу 6 күнүгэр, норуот суруйааччыта, СӨ ускуустубатын үтүөлээх диэйэтэлэ, П.А.Ойуунускай аатынан Судаарыстыбаннай бириэмийэ лауреата…
Бүгүн, тохсунньу 6 күнүгэр, Саха сирин синоптиктара кыралаан хаар түһэрин, үгүс оройуоннарынан сөҥүүтэ суох, нэһилиэктэринэн…
Быйылгы 2025 сыллаах Оһуокайбыт Аар Дархан этээччибит, сүүс сааһыгар үктэнэрэ аҕыйах сыл эрэ хаалбыт ытык…
Санаторийга сынньана ОМС полиһынан босхо барыахха сөп. Ол туһуттан терапевтан направление ылар наада диэн объясняем.рф…
Ааспыт сыл ахсынньы 10-12 күннэригэр Москваҕа «Космос» конгресс-кииҥҥэ XXXIV төгүлүн ыытыллар Бүтүн Арассыыйатааҕы үөрэнээччилэр кэмпириэнсийэлэрэ буолан…