Салгыы
СӨ Киин быыбардыыр хамыыһыйата мандааттары туттарда

СӨ Киин быыбардыыр хамыыһыйата мандааттары туттарда

19.09.2023, 18:37
Сайаана Львова хаартыската
Бөлөххө киир:

Бүгүн, балаҕан ыйын 19 күнүгэр, Саха Өрөспүүбүлүкэтин Киин быыбардыыр хамыыһыйатын 44-с уочараттаах мунньаҕар баартыйа испииһэгинэн кыайбыт Ил Түмэн дьокутааттарыгар дастабырыанньалары туттардылар. 

Итини таһынан түөрт босхоломмут мандаакка баартыйалартан эбии дьокутааттары анаатылар. Ол курдук, баартыйа испииһэктэрин салайбыт лиидэрдэр бэйэлэрин мандааттарын маннык түҥэттилэр: «Биир ньыгыл Арассыыйа» баартыйа – Айсен Николаев мандаата Василий Егоровка (Строительнай региональнай бөлөх, № 1), «Саҥа дьон» баартыйа – Сардаана Авксентьева мандаата Василий Николаевка (уопсай өрөспүүбүлүкэтээҕи чаас, №2), «Сиэрдээх Арассыыйа-Кырдьык иһин!» баартыйа – Федот Тумусов мандаата Игорь Григорьевка (уопсай өрөспүүбүлүкэтээҕи чаас, №2), ЛДПР – Леонид Слуцкай мандаата Гаврил Парахиҥҥа (уопсай өрөспүүбүлүкэтээҕи чаас, №2) бэрилиннэ.

Оттон СӨ Киин быыбардыыр хамыыһыйа уурааҕынан Степан Павлов («Биир ньыгыл Арассыыйа», Университеттааҕы эрэгийиэннээҕи бөлөх, № 1) босхоломмут мандаата Юрий Николаевка (Университеттааҕы эрэгийиэннээҕи бөлөх, № 2), оттон Александр Плоцкай («Сиэрдээх Арассыыйа», Алданнааҕы эрэгийиэннээҕи бөлөх, № 1) мандаата Ренат Хусаиновка (Алданнааҕы эрэгийиэннээҕи бөлөх, № 2) бэрилиннэ.

Ил Түмэҥҥэ биэс баартыйа испииһэгинэн барыта 35 норуот дьокутаата регистарцияланна уонна талыллыбыттарын туоһулуур дастабырыанньалары туттулар.

Саҥа талыллыбыт норуот дьокутааттара кэлэр нэдиэлэттэн бастакы сессияларыгар үлэлэрин саҕалыахтара.

+1
2
+1
3
+1
0
+1
0
+1
0
+1
0
+1
1
Бары сонуннар
Салгыы
3 октября
  • 5°C
  • Ощущается: 2°Влажность: 86% Скорость ветра: 3 м/с

Сообщить об опечатке

Текст, который будет отправлен нашим редакторам: