СӨ Киин быыбардыыр хамыыһыйата уонна Саха сирин уопсастыбаннай балаатата бииргэ үлэлиэхтэрэ

СӨ Киин быыбардыыр хамыыһыйата уонна Саха сирин уопсастыбаннай балаатата 2024 сыл кулун тутар 17 күнүгэр ыытыллар Арассыыйа Бэрэсидьиэнин быыбарыгар бииргэ үлэлээһин туһунан сөбүлэһиигэ илии баттастылар.

Бу туһунан СӨ Киин быыбардыыр хамыыһыйата иһитиннэрэр.

Гражданнар быыбардыыр бырааптарын олоххо киллэриигэ уонна быыбардыыр сокуоннар ирдэбиллэрин тутуһууга СӨ Киин быыбардыыр хамыыһыйата уонна Саха сирин уопсастыбаннай балаатата мэлдьи хардарыта бииргэ үлэлэһэллэр.

Арассыыйа Бэрэсидьиэнин быыбарын ыытарга сүрүн соругунан куоластааһын кэмигэр быыбар хамыыһыйаларын үлэлэрин аһаҕастык ыытыыны хааччыйыы буолар.
СӨ Уопсастыбаннай балаатата састаабын саҥардыыга уонна кэтээн көрөөччүлэри үөрэтиигэ үлэни ыытар. Арассыыйа Бэрэсидьиэнин быыбарыгар 2370- ча уопсастыбаннай кэтээн көрөөччүнү үөрэтэргэ былаанныыллар.