СӨ норуодунай артыыһа Нина Чигирева  күн сириттэн күрэннэ

СӨ норуодунай артыыһа, РФ үтүөлээх артыыһа Нина Николаевна Чигирева  муус устар 2 күнүгэр  күн сириттэн күрэннэ. Бу туһунан СӨ Култуураҕа  уонна духуобунай сайдыыга министиэристибэтэ иһитиннэрдэ. 

Чигирева Нина Николаевна 1954 сыллаахха  сэтинньи 15 күнүгэр  Амма оройуонун Эмис сэлиэнньэтигэр төрөөбүтэ. Дьокуускайдааҕы музыкальнай училищены (1979), М.И.Глинка аатынан Новосибирскайдааҕы судаарыстыбаннай консерватория вокальнай факультетын (1987) бүтэрбитэ. Консерваторияны бүтэрэригэр Музыкальнай театр труппатыгар үлэҕэ киирбитэ.

Мусукаалынай ускуустуба сайдыытыгар улахан кылаатын иһин Нина  Чигиреваҕа СӨ үтүөлээх артыыһын, СӨ норуодунай артыыһын, РФ үтүөлээх артыыһын ааттара иҥэриллибиттэрэ. Кини Норуоттар доҕордоһууларын уордьанынан, “Гражданскай килбиэн” бэлиэнэн наҕараадаламмыта.

Айар үлэтэ

Ариялара

• Сузуки («Чио-Чио-сан» Дж. Пуччини, дебют)
• Полина уонна Миловзор («Пиковая дама» П. И. Чайковскай)
• Мамаша Кураж («Мамаша Кураж» С. Кортес)
• Мать («Сын солнца» А. Созонов)
• Күн Күбэй («Ньургун Боотур» М. Жирков, Г. Литинскай)
• Азучена («Трубадур» Дж. Верди)
• Маддалена («Риголетто» Дж.Верди)
• Ольга («Евгений Онегин» П. И. Чайковскай)
• Марина Мнишек («Борис Годунов» М. Мусоргскай)
• Кончаковна («Князь Игорь» А. Бородин)
• Любаша («Царская невеста» Н. Римскай-Корсаков)

https://sah.wikipedia.org