“СӨ ОДьКХ” ГУП ыччат сэбиэтин үтүө үгэһэ

“СӨ ОДьКХ” ГУП ыччат сэбиэтэ “Сүрэхпит сылааһын – оҕолорго” Саҥа дьыл иннинээҕи аахсыйатын тэрийдэ. Тэрилтэ эдэр исписэлиистэрэ 2019 сылтан Дьокуускай куорат 34 №-дээх  анал коррекционнай интэринээт-оскуолатын иитиллээччилэригэр минньигэс бэлэхтэри оҥороллор.

Аһымал аахсыйата “СӨ ОДьКХ” ГУП сирдээҕи-уоттааҕы холбоһуктаах идэлээх сойууһун өйөбүлүнэн, тэрилтэ уонна алын сүһүөх уопсастыбаларын үлэһиттэрин көмөлөрүнэн тэрилиннэ.

Онон ыччат сэбиэтин бэрэстэбиитэллэрэ Саҥа дьыллааҕы 136 бэлэҕи алын сүһүөх кылаас үөрэнээччилэригэр туттардылар. Утренниктар кэмнэригэр оҕолор бэлэх-туһах ылан, хомунаалынай хаһаайыстыба үлэһиттэригэр махтаннылар.

“СӨ ОДьКХ” ГУП пресс-сулууспата

Хаартыска: тустаах саайтан