СӨ судаарыстыбаннай уонна официальнай тылларын виртуальнай түмэлэ аһылынна

Share

Саха тылын, литэрэтиирэтин, култууратын учууталларын өрөспүүбүлүкэтээҕи II сийиэһин көрсө СӨ Национальнай бибилэтиэкэтигэр “СӨ судаарыстыбаннай уонна официальнай тылларын виртуальнай түмэлэ” бырайыагы сүрэхтээтилэр.

Портал Ил Дархан уонна СӨ Бырабыыталыстыбатын дьаһалтатын тыл сайдыытын боппуруоһун управлениетын салайааччыта Римма Жиркова көҕүлээһининэн, РНА СС Гуманитарнай чинчийии уонна хотугу аҕыйах ахсааннаах норуоттар кыһалҕаларын института,  Арктикатааҕы култуура уонна искусство судаарыстыбаннай института, М.К.Аммосов аатынан Хотугулуу-Илиҥҥи федеральнай университет, СӨ Национальнай бибилэтиэкэ олоххо киллэрбиттэр.

Бибилэтиэкэ дириэктэрэ Саргылаана Максимова: “Бырайыак СӨ тылларын сайыннарар судаарыстыбаннай бырагыраама баар буолан быйылгыттан үлэлээн эрэр. Биһиги порталбыт – интерактивнай түмэл. Түмэл, тоҕо диэтэххэ, холобур буолар иһитиннэриини (эталонная информация) билиһиннэриэҕэ. Ол эбэтэр ким даҕаны саарбахтаабат, тыл эйгэтин саамай үрдүк таһымнаах исписэлиистэрэ иһитиннэриилэрин үллэстиэхтэрэ”, — диэн эттэ. Итиэннэ аан маҥнайгытын саха тылын, литэрэтиирэтин уонна төрүт култуура учууталлара Национальнай бибилэтиэкэ 20 сыл устата муспут электроннай бибилэтиэкэтин туһаналларыгар толору көҥүлү биэрэбит диэн эттэ. Бу сийиэһи көрсө учууталларга тугунан да кэмнэммэт бэлэх буолар.

Түмэл аата да этэринии, өрөспүүбүлүкэ судаарыстыбаннай, официальнай тыллара бары хабыллаллар. Түмэл сахалыы салаатын тыл билимин хандьыдаата, ХИФУ РФ Хотугулуу-Илиҥҥи норуоттарын тылларын уонна култуураларын институтун саха тылын хаапыдыратын сэбиэдиссэйэ Дария Чиркоева билиһиннэрдэ. “Ситим иһигэр арыллыбыт, улахан, тылларга анаммыт түмэл Арассыыйаҕа билиҥҥитэ соҕотох. Тыыннаах түмэли туох даҕаны солбуйбат, ол эрээри, билигин атын олоххо киирбиппитинэн, онно хардыылаан иһэрбитинэн, маннык түмэл баара көмө буолар. Онон саха тылын устуоруйатыттан саҕалаан, үөрэтиитигэр тиийэ бу бырайыак улаханнык сырдатта. Ситим түмэлигэр ирдэбил быһыытынан саха тылын устуоруйатыгар анаммыт 20 матырыйаал толору киирдэ, салгыы байытыллыахтаах. Ону таһынан, тылга сыһыаннаах 20 араас киинэ киирдэ. Холобур, Ю.И.Васильев-Дьаргыстай биһиэхэ уруулуу-аймахтыы дойдуларга сылдьан саха тылын туһунан билиһиннэрэрин таһынан, саха тылыгар аналлаах киинэлэри устубута баар. С.А.Новгородов олоҕун-дьаһаҕын, кэргэнин, Е.И.Убрятова, Е.И.Коркина туһунан киинэлэри киирэн көрүөххүтүн сөп”, — диэн бэлиэтээтэ.

Уопсайынан, түмэлгэ тыл туһунан матырыйаал барыта бииргэ түмүллүбүт буолан үрдүктүк сыаналанар диэн мустубут дьон этэр. Тыл учууталлара куйаар ситимин туһанан оҕону үөрэтэллэригэр, бэйэлэрин билиилэрин-көрүүлэрин даҕаны хаҥатыналларыгар туһалаах бырайыак толкуйдаммыт.

Салгыы видео-устууну көрүҥ. 

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Бэрээдэк
  • Уопсастыба

Сымыйа мэдисиинискэй түмүгү туһаммыттара булулунна

Алдан оройуонунааҕы РФ ИДьМ отделениетын бастаан силиэстийэлиир уоргана үлэҕэ киирэргэ сымыйа докумуоннары туһаммыттарынан холуобунай дьыаланы…

7 минут ago
  • Сонуннар
  • Тыа хаһаайыстыбата

Тыа хаһаайыстыбатын министиэристибэтэ: кыстык этэҥҥэ ааһан эрэр

 Тыа хаһаайыстыбатын уонна ас-үөл бэлиитикэтин министиэристибэтин сүөһү иитиитин, кээпэрээссийэлэһии уонна  хаһаайыстыба дьоҕус көрүҥнэрин сайыннарар департамент…

22 минуты ago
  • Сонуннар
  • Үөрэх

Эрика Эртине: “Маннык халыҥ хаары аан маҥнай көрдүм”

“Земскэй учуутал” федеральнай бырайыагынан үлэлии кэлбит бастакы учууталлар быйыл биэс сыллааҕы хантараактара бүтэр. Тыва Өрөспүүбүлүкэтиттэн…

52 минуты ago
  • Быһылаан
  • Бэрээдэк
  • Сонуннар

Сауната, гостиницата ырааппыт

Дьокуускайга 4 №-дээх полиция отделыгар куорат олохтооҕо дьахтар сайабылыанньа суруйан киллэрбит.  Кини каартатын сүтэрбитин кэлин…

1 час ago
  • Сонуннар
  • Спорт

Киэн туттар спортсмеммыт, бастыҥ хайыһардьыппыт

Өрөспүүбүлүкэ хайыһары таптааччыларын икки ардыларыгар биирдиилээн уонна хамаанданан бастыыр иһин күрэхтэһии буолла. Күүрээннээх күрэхтэһии Улуу…

2 часа ago
  • Сонуннар
  • Тыа хаһаайыстыбата

Саарба кыыл ахсаана элбиир

Бу күннэргэ  Дьокуускайга өрөспүүбүлүкэтээҕи Булчут күнэ ыытыллар. Онон сибээстээн, Саха сирин күндү түүлээхтэрин ахсааныгар киирсэр…

2 часа ago