Хаартыска: ЯСИА
Дьиҥнээҕинэн туох-ханнык уларытыылар киллэриллэллэрий?
Бырайыагынан СӨ Төрүт сокуонун 22-с ыстатыйатыгар өрөспүүбүлүкэҕэ босхо уонна барыларыгар тиийимтиэ орто үөрэҕи ылар быраап оннунан хаалар эрэ буолбатах, ону таһынан эбии бигэргэтиллэр. Ону сэргэ, хас биирдии гражданин судаарыстыбаннай эбэтэр муниципальнай үөрэх тэрилтэлэригэр күрэхтэһии түмүгүнэн үрдүк үөрэҕи босхо ылар бырааба бөҕөргөтүллэр.
Үөрэх биир кэлим эйгэтин хааччыйар саҥа тиэрминнэр киллэриллэллэр. Ол курдук, үөрэх таһымнарын испииһэгэ федеральнай нуормаларга сөп түбэһиннэриллэр. Киллэриллэр уларытыылар гражданнар үөрэххэ бырааптарын хааччахтаабаттар. Онон, үлэлиир федеральнай сокуоҥҥа сөп түбэһиннэрэн, үөрэх биир кэлим эйгэтэ хааччыллар. Сүрүн ыйытыыны «сүрүн уопсай үөрэх» диэн тиэрмин үөскэттэ. Дьон санаатынан, бу үрдүкү 10-11 кылаастарга босхо үөрэҕи суох гыныан сөп. Өрөспүүбүлүкэ сорох олохтоохторугар үрдүкү 10 уонна 11 кылаастарга үөрэх төлөбүрдээх буолуо диэн үөскээбит саарбахтааһыннар – олоҕо суохтар.
СӨ Төрүт сокуонун 22-с ыстатыйатын этиллэр саҥа эрэдээксийэтигэр «Хас биирдии киһи үөрэххэ, ону ылар көрүҥүн таларыгар бырааптаах. Судаарыстыбаннай эбэтэр муниципальнай үөрэх тэрилтэлэригэр уонна тэрилтэлэргэ оскуола иннинээҕи, сүрүн уопсай уонна орто профессиональнай үөрэх барыларыгар тиийимтиэтэ уонна босхото мэктиэлэнэр» диэн чуолкайдык ыйыллар.
Ыйыллыбыт ыстатыйа 3-с пууна сүрүн уопсай үөрэх булгуччулааҕын туһунан нуорманы оннунан хаалларар. Төрөппүттэр эбэтэр кинилэри солбуйар дьон оҕолор сүрүн уопсай үөрэҕи ылалларын хааччыйаллар. Онон, босхо үөрэҕи ылыыга конституционнай мэктиэлэр хааччыллаллар, үөрэнээччилэр үөрэҕи ылар бырааптара кэҥиир. Билигин сүрүн уопсай үөрэҕи ылбыт оҕо ахсаана элбээн, идэ ылаары үөрэх тэрилтэлэригэр киирэр быһаарыыны ылынар уонна үлэлии барарга эбэтэр салгыы үрдүк үөрэҕи ыларга талар бырааптанар. Ол курдук, СӨ Төрүт сокуонун 22-с ыстатыйатын саҥа эрэдээксийэтэ босхо үөрэҕи ылар быраабы бөҕөргөтүө уонна үөрэҕи ылыы көрүҥнэрин, ньымаларын талар суоллары кэҥэтиэ.
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…
Алтынньы 7-9 күннэригэр Саха сирин Биир кэлим ресурснай киинэ биэс сыллаах үбүлүөйүн чэрчитинэн «Бигэ сайдыы…
Депутатскай бөһүөлэгэр Кырдьаҕастарга уонна инбэлииттэргэ аналлаах улуустар икки ардыларынааҕы интэринээт-дьиэ баазатыгар бэйэ килиэбин оҥорон таһаарыы…