«Биир ньыгыл Арассыыйа» инники күөҥҥэ

Сунтаар улууһугар «Биир ньыгыл Арассыыйа» баартыйаттан турбут А.В.Григорьев баһылыгынан талылынна. Биир дойдулаахтара кини үлэтин үрдүктүк сыаналыыллара көһүннэ.

Уус Алдан улууһугар баһылыгынан «Биир ньыгыл Арассыыйа» баартыйа хандьыдаата В.П.Алексеев 54,6% куолаһы ылан, кыайыыны ситистэ. Бу көрдөрүү баартыйаҕа улаханнык эрэнэллэрин уонна барыллаан куоластааһын процедуратын хаачыстыбалаахтык ыыппыттарын бэлиэтинэн буолар.

Өлөөн улууһугар «Биир ньыгыл Арассыыйа» баартыйа хандьыдаата Х.П.Васильев хотторуута уруу-аймах сибээһэ күүстээҕин көрдөрөр. Итиэннэ кыайбыт хандьытаат, бэйэтин туруоруммут И.А.Саввинов «Биир ньыгыл Арассыыйа» баартыйа чилиэнинэн буолар.

Хаҥалас улууһугар «Биир ньыгыл Арассыыйа» баартыйа бэрэстэбиитэлэ А.И.Васильева бэйэтин туруоруммут С.Г.Гребневка хоттордо. Гребнев эмиэ бу баартыйа биир санаалааҕа буолар, барыллаан куоластааһыҥҥа кыттыбыта. Онон сүрүн киирсии «Биир ньыгыл Арассыыйа» баартыйа туруорбут хандьыдааттарын иһигэр буолла.