СӨ Ыччат бэлиитикэтин туһунан сокуоҥҥа уларыйыы киириэҕэ

“СӨ судаарыстыбаннай ыччат бэлиитикэтин туһунан” сокуон 1998 сыллаахха ылыныллыбыта. Ол гынан баран, бу сокуоҥҥа “патриотическай иитии” диэн өйдөбүл киирбэтэх. Ил Дархан Айсен Николаев бүгүҥҥү “Якутия, вперед!”  биэриигэ тохсунньу ый түмүктэрин таһаарарыгар сокуоҥҥа уларыйыы киириэҕэ диэн кэпсээтэ.

“Быйыл Улуу Кыайыы 80 сылыгар, дойдуга Аҕа дойдуну көмүскээччи, өрөспүүбүлүкэҕэ Ийэ дойдуну көмүскээччи  биллэриллибит сылларыгар Ыччат бэлиитикэтин туһунан сокуоҥҥа хайаатар да   “патриотическай иитии”, “ыччаты духуобунай-сиэрдээх иитии” диэн өйдөбүллэр  нуормалыыр-быраап аахталарын быһыытынан киириэхтэрэ”, — диэтэ Ил Дархан.