Сэбээн Күөл оҕолоро лааҕырга сынньаннылар
![](https://sakha-sire.ru/wp-content/uploads/2024/07/45-960x596.jpg)
“Хендэл” аҕа ууһун общинатын 8 нүөмэрдээх ыстаадатыгар П.А.Степанов-Ламутскай аатынан Сэбээн Күөл национальнай оскуолатын лааҕыра быйыл сайын бэркэ үлэлээтэ. Лааҕыр начаалынньыгынан Диана Кириллина, баһаатайынан Евдокия Бурцева, иитээччинэн Людмила Чукорова үтүө суобастаахтык үлэлээтилэр.
Оҕолорго тотоойу, минньигэс аһы Ольга Кривошапкина, Зоя Никитина астаатылар. Оҕолор сынньалаҥнарын кэмигэр “Чиктикан” диэн ааттаах многоборьеҕа күрэхтэстилэр. Бу Дыгын оонньууларыгар маарынныыр буолан, олус кэрэхсэбилээх.
![](https://sakha-sire.ru/wp-content/uploads/2024/07/taba1-1-scaled-e1721801791747.jpg)
![](https://sakha-sire.ru/wp-content/uploads/2024/07/taba2-2-scaled.jpg)
![](https://sakha-sire.ru/wp-content/uploads/2024/07/taba3-3-1-scaled.jpg)
Быйыл Хотугу многоборьеҕа успуорт маастарыгар хандьыдаат, табаһыттар сүлүөттэрин биэс төгүллээх абсолютнай чөмпүйүөнэ Гаврил Бурцев “кулунчуктар тардыһыыларын” тэрийдэ. Онно 1 миэстэни Степанов Георгий, иккис миэстэни – Бурцев Антон, үһүс миэстэни Щадрин Ньургун ылан, үөрүү бөҕө буоллулар.
Маамыктаны быраҕыыга кыргыттар эмиэ кииристилэр. Слепцова Ива кыайыылааҕынан буолла. Иккис миэстэ – Кириллина Айылгылаана, үһүс миэстэ – Степанова Аиза.
Оҕолорбут ыстаадаҕа сайыҥҥы сынньалаҥнарын туһалаахтык атааран, айылҕалыын алтыһан, сүүрэн-көтөн, доруобуйаларын тупсардылар.
Иннокентий Бурцев, “Хендэл” община бэрэссэдээтэлэ
Харатыска: И.Бурцев.
Сообщить об опечатке
Текст, который будет отправлен нашим редакторам: