“Хендэл” аҕа ууһун общинатын 8 нүөмэрдээх ыстаадатыгар П.А.Степанов-Ламутскай аатынан Сэбээн Күөл национальнай оскуолатын лааҕыра быйыл сайын бэркэ үлэлээтэ. Лааҕыр начаалынньыгынан Диана Кириллина, баһаатайынан Евдокия Бурцева, иитээччинэн Людмила Чукорова үтүө суобастаахтык үлэлээтилэр.
Оҕолорго тотоойу, минньигэс аһы Ольга Кривошапкина, Зоя Никитина астаатылар. Оҕолор сынньалаҥнарын кэмигэр “Чиктикан” диэн ааттаах многоборьеҕа күрэхтэстилэр. Бу Дыгын оонньууларыгар маарынныыр буолан, олус кэрэхсэбилээх.
Быйыл Хотугу многоборьеҕа успуорт маастарыгар хандьыдаат, табаһыттар сүлүөттэрин биэс төгүллээх абсолютнай чөмпүйүөнэ Гаврил Бурцев “кулунчуктар тардыһыыларын” тэрийдэ. Онно 1 миэстэни Степанов Георгий, иккис миэстэни – Бурцев Антон, үһүс миэстэни Щадрин Ньургун ылан, үөрүү бөҕө буоллулар.
Маамыктаны быраҕыыга кыргыттар эмиэ кииристилэр. Слепцова Ива кыайыылааҕынан буолла. Иккис миэстэ – Кириллина Айылгылаана, үһүс миэстэ – Степанова Аиза.
Оҕолорбут ыстаадаҕа сайыҥҥы сынньалаҥнарын туһалаахтык атааран, айылҕалыын алтыһан, сүүрэн-көтөн, доруобуйаларын тупсардылар.
Иннокентий Бурцев, “Хендэл” община бэрэссэдээтэлэ
Харатыска: И.Бурцев.
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…