Кэбээйи улууһун Сэбээн Күөлүгэр табалар кыстыкка үктэнэн, саҥа сылы этэҥҥэ көрсөр баҕалаахтар.
“П.А.Кейметинов аатынан “Сэбээн” МУП дириэктэрэ Людмила Бурцева бэйэтэ ааттыырынан, табалары билиҥҥитэ “кутуруктаахтар” (ол аата бөрөлөр) аймыы иликтэр. Кыралаан табаларын ахсаана эбиллэр. Ол да буоллар, үп-харчы өттүгэр кыра ыктарыы баар. Ону кэлэр сылга ааспыт ороскуоккутун сабыахпыт диэн эрэннэрбиттэр.
— Биһиги Сэбээн Күөлгэ таба ахсаанын элбэтээри мораторий биллэрбиппит, онон кырдьыбыт, оккураҥ эрэ табалары эккэ туттуохпут диэн былааннаммыппыт. Онон билиҥҥи туругунан 20-чэ табаны өлөрөн, нэһилиэнньэҕэ сэттэлии мөһөөккө атыылаатыбыт, ылан бүтэрдилэр. Үүнэр сылга 3817 табалаах үктэнээри олоробут. Этэҥҥэ буолар инибит диэн эрэнэбит. Эдэр табаһыттары күүскэ өйүөххэ диэн туруорустум. Уонна көс ыаллары өйүүргэ. Көс дьиэ кэргэҥҥэ үп өттүнэн күүстээх көмө тэриллэрэ буоллар, таба ахсаана элбиэ, салаабыт сайдыа этэ. Мин санаабар, дьиҥнээх патриоттар эрэ көһө сылдьан олорон, үлэлииллэр, табаны иитэллэр. Ыстаадалар сирдэригэр быһыт күрүөлэри тутар олус көмөлөөх буолуоҕа. Кэргэним ыстаадатыгар быйыл табаны төрөтөр сиригэр итинник быһыт туттардым, онон табаһыттар үөрүүлэрэ сүрдээх. Дьиҥэ, көс ыал туһунан сокуон баар ээ. Ону күүскэ үлэлэтиэххэ. Холобура, ити биһирэммит ” Земский доктор” диэн бырагыраама курдугу табаһыттарга киллэрдэллэр диэн санаалаахпыт. Биир үтүө сонунум диэн – мин ыҥырыыбын өйөөн, Өлөөнтөн 22 саастаах эдэр кыыс биһиэхэ чуум үлэһитэ буолла. Бэйэтэ оҕо сааһыттан ыстаада оҕото буолан, табаны миинэр, көлүйэр. Онон үөрэбит, — диэн кэпсээтэ Людмила Бурцева.
Ити курдук, таба иитэр хаһаайыстыбаларга кыстык баран иһэр.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…