“Сэбээн” МУП ыстаадаҕа үлэлээбит оҕолору бириэмийэлиэ

 П.А.Кейметинов аатынан “Сэбээн” МУП салалтата (Л.В.Бурцева) балаҕан ыйын 1 күнүн көрсө үтүө сонуннаах олорор.

Ол курдук, дириэктэр Людмила Бурцева быйыл ыстаадаларга тахсан үлэлээбит оҕолору харчынан бириэмийэлиэҕэ.  Кырдьык, сорох оҕолор ыам ыйыттан бу атырдьах ыйа бүтүөр диэри  ыстаадаҕа үтүө суобастаахтык үлэлээбиттэр.

Ону тэҥэ хаһаайыстыба Нэһилиэнньэ дьарыктаах буолуутун киинин нөҥүө 10 оҕону дуогабарынан ыстаадаларга үлэлэппит. Өссө бэйэтэ 3 оҕону уонна 2 устудьуону эмиэ таба иитиитигэр кытыннарбыт.

Таба салаата сайдыытыгар көмөлөспүт оҕолору бу курдук хаһаайыстыбалар бириэмийэлииллэрэ олус үчүгэй.

Хаартыскалары: Л.Бурцева ыытта.