Сэбиэскэй Аармыйа 50 сыла уулуссаҕа хапытаалынай өрөмүөн ыытыллыаҕа

«Инфраструктура для жизни» диэн саҥа  национальнай бырайыак чэрчитинэн, Дьокуускайга Сэбиэскэй Аармыйа 50 сылын уулуссатыгар хапытаалынай өрөмүөн ыытыллыаҕа. Бу туһунан Дьокуускай куорат дьаһалтата иһитиннэрэр.

«Главстрой» управлениеҕа иһитиннэрбиттэринэн, хапытаалынай өрөмүөнү ыытыы докумуона судаарыстыбаннай эспэртиисэни ситиһиилээхтик ааста. Билигин үлэни толорор бэдэрээтчити булууга куонкурус биллэрилиннэ.

Бу уулуссаҕа хапытаалынай өрөмүөн үлэтэ 2027 сыл алтынньытыгар түмүктэниэҕэ. Манна үлэ кээмэйэ улахан, сир аннынааҕы инженернэй ситимнэри, элэктэриичэстибэ лиинньийэлэрин көтүрүү, саҥаттан оҥоруу, суолу кэҥэтии, о.д.а. үлэ ыытыллыаҕа. Уулусса 4 балаһалаах буолуоҕа. Онон бүтэр болдьоҕо эмиэ уһаан биэрдэ.

«Инфраструктура для жизни» саҥа бырайыак 2025 сылтан саҕаланна. Бу бырайыагынан Дьокуускайга уулусса-суол ситимин 12 эбийиэгэ, барыта  15 килэмиэтирдээх суол  өрөмүөннэниэҕэ. Билигин сүрүн эбийиэктэри хантараактастылар, муниципальнай сакаасчыт — Дьокуускай куорат «Главстрой» упрвлениета.