Ааптар түһэриитэ
Дьокуускай куоракка «Сулус» үөрэтэр-ытар кииҥҥэ Сэбиэскэй Сойуус Дьоруойа Федор Матвеевич Охлопков кэриэһигэр ыытыллар ыраахтан ытыыга Бүтүн Арассыыйатааҕы турнир бастакы күнэ үөрүүлээх быһыыга-майгыга ааста.
Снайпинг күрэҕэ «Добун» ансаамбыл уолаттара барабааҥҥа охсууларынан доҕуһуолланан аһылынна. Алгысчыт аал уоту аһатан, сир-дойду иччилэриттэн көрдөһөн кыттааччыларга алгыс эттэ.
Тэрээһин аһыллыытыгар РФ Бырабыыталыстыбатын бэрэссэдээтэлин солбуйааччы — РФ Бэрэсидьиэнин боломуочуйалаах бэрэстэбиитэлэ Юрий Трутнев Арассыыйаҕа снайперскай ускуустубаны сөргүтэр сыаллаах иккис ыраахтан ытыыга турнир аһыллыбытынан эҕэрдэлиирин эттэ.
«Сэбиэскэй Сойуус Дьоруойа Федор Матвеевич Охлопков кэриэһигэр ыытыллар ыраахтан ытыыга Бүтүн Арассыыйатааҕы турнирга иккис төгүлүн көрсөбүт. Бүгүн тыһыынчанан биһиги саллааттарбыт өстөөҕү кытары кыргыһа сылдьаллар. Кинилэр сорохтору бу турнирга кытта сылдьаллар. Сэбиэскэй Сойуус Дьоруойа Федор Матвеевич Охлопков кэриэһигэр ыытыллар турнир бэргэн ытааччыларбыт квалификацияларын үрдэтэр биир кэрдиис буолар», — диэтэ Юрий Трутнев.
Ил Дархан Айсен Николаев Сэбиэскэй Сойуус Дьоруойа Федор Матвеевич Охлопков кэриэһигэр ыытыллар турнир аһыллыбытынан эҕэрдэлиирин эттэ. «Бастакы турнир кэннэ кылгас кэм иһигэр эмиэ түмүстүбүт уонна бу сырыыга кыттааччы икки төгүл улаатта. Ол аата биһиги турнирбыт биллэн-көстөн, улахан суолталанан эрэрин көрдөрөр», — диэтэ Айсен Николаев.
Ыраах сирдэртэн ытааччылар хойутаан кэлэннэр, 100 миэтирэҕэ ытыыга сэрэбиэй бырахсыы хойутаан ыытылынна.
Икки күн ыытыллар күрэхтэһиигэ дойду араас эрэгийиэннэриттэн 150-н тахса киһи кытта сылдьар. Бу олунньуга буолан ааспыт турнирдааҕар балтараа төгүл элбэх. Кыттааччылар икки күн устата квалификационнай, күнүскү, түүҥҥү ытыыга түһүмэхтэри ааһыахтара. Бүгүн икки түһүмэҕи ааспыт пааранан хамаандалар сарсын киирсиэхтэрэ.
Мантан киэһэ «Ночь» категорияҕа сэрэбиэй кэннэ түүҥҥү оптиканан ытыы буолуоҕа. Оттон түүн үөһүгэр «Ночь» категорияҕа дуэльга бастыыр иһин киирсиэхтэрэ.
Дьокуускай куорат полициятын бастакы нүөмэрдээх отделын дьуһуурунай чааһыгар үрүҥ көмүс таастаах биһилэҕин уордарбыт киһиттэн сайабылыанньа…
Тааттаҕа "Манчаары оонньууларыгар" түмсүбүт ыалдьыттар тугу көрүөхтэрин сөп эбитий? Манна көрүҥ. Видеоны бэлэмнээтэ Лия Заровняева.
Федерация Сэбиэтигэр Арассыыйа миграцияҕа судаарыстыбаннай бэлиитикэтин сокуон өттүнэн хааччыйыыга анаммыт “төгүрүк остуол” ыытылынна. “Төгүрүк остуолу”…
От ыйын 7 күнүнээҕи туругунан, өрөспүүбүлүкэ сиригэр-уотугар ойуурга уонна сиринэн умайыы бэлиэтэммэтэ. Бу туһунан өрөспүүбүлүкэ…
Быйылгы Туймаада ыһыаҕын «Дыгын оонньууларын» кыайыылааҕынан Амма Чапчылҕанын уола Борис Сдвижков буолбута. Бу күннэргэ кыайыылааҕы…
Сунтаар - Олоҥхо дойдутун күүстээхтэрэ, быһыйдара, бөҕөстөрө алгыс маанытын ылынан Манчаарыга туруннулар. Саха сирин олимпиадатыгар…